ဆိုမာလီယာနိုင်ငံကို တရားဝင်အခေါ်အားဖြင့် ဆိုမာလီယာသမ္မတနိုင်ငံဟု ခေါ်ဆိုပြီး ယခင် ကွန်မြူနစ်တိအုပ်ချုပ်စဉ်က ဆိုမာလီ ဒီမိုကရက်တစ် သမ္မတနိုင်ငံဟု ခေါ်ဆိုခကတ်ရေ။ အာဖရိကဦးချိုတွင် တည်ဟိရေ နိုင်ငံ ဖြစ်ရေ။ ၁၉၉၁ ခုနှစ် ပြည်တွင်းစစ် စတင် ဖြစ်ပွားကတည်းက နိုင်ငံဧ နီရာ အတော်တိတိတွင် ဗဟိုအစိုးရဧ ထိန်းချုပ်မှု မဟိပေ။ နိုင်ငံတကာမှ အသိအမှတ်ပြုထားရေ ကြားဖြတ် ဖက်ဒရယ်အစိုးရမှ နိုင်ငံဧ အစိတ်အပိုင်း အငယ်ချေကိုသာ အုပ်ချုပ်နိုင်ရေ။ ဆိုမာလီယာနိုင်ငံအား မဖြစ်မြောက်ရေ နိုင်ငံတစ်နိုင်ငံ အဖြစ် အမျိုးအစားခွဲခြား သတ်မှတ်ကတ်ပြီး ကမ္ဘာပေါ်တွင် အဆင်းရဲဆုံးနန့် အကြမ်းတမ်းဆုံး နိုင်ငံ တစ်နိုင်ငံဖြစ်ရေ။
| ဆိုမာလီယာ သမ္မတနိုင်ငံ Somali Republic Jamhuuriyadda Soomaaliya جمهورية الصومال | |
|---|---|
နိုင်ငံတော် သီချင်း: Somalia, Wake Up | |
| မြို့တော် နန့် အကြီးဆုံးမြို့ | မိုဂါဒစ်ရှူးမြို့ |
| ရုံးသုံး ဘာသာစကားတိ | ဆိုမာလီ၊ အာရပ် |
| အမျိုးအစား | ညွန့်ပေါင်းအစိုးရ |
| အစိုးရ | |
• သမ္မတ | Mohamed Abdullahi Mohamed |
• ဝန်ကြီးချုပ် | အက်ဒီဝလီ မိုဟာမက် အလီ |
| တည်ထောင် | |
• လွတ်လပ်ရီး ရခြင်းနန့် ပြည်ထောင်စု တည်ထောင်ခြင်း | ဇူလိုင် ၁၊ ၁၉၆၀ |
| ဧရိယာ | |
• စုစုပေါင်း | ၆၃၇,၆၅၇ km2 (၂၄၆,၂၀၀ စတုရန်းမိုင်) (အဆင့်: ၄၃) |
| လူဦးရေ | |
• ခန့်မှန်း | ၉,၃၅၉,၀၀၀ (၂၀၁၀)[1] (အဆင့် - ၈၉) |
• သိပ်သည်းမှု | ၁၄/km² (၃၆/sq mi) (အဆင့် - ၂၀၉) |
| GDP (PPP) | ခန့်မှန်း |
• စုစုပေါင်း | ၅.၈၉၆ ဘီလီယံ (အဆင့် - ၁၅၈) |
• Per capita | US $၆၀၀ (အဆင့် - ၂၂၂) |
| ငွေကြေး | ဆိုမာလီ ရှီလင် |
| တယ်လီဖုန်းကုဒ် | +၂၅၂ |
| Internet TLD | .so |
ဆိုမာလီယာနိုင်ငံရေ အာဖရိကဧ အရှေ့ဘက်ဆုံး အပိုင်းတွင် တည်ဟိရေ။ အနောက်မြောက်ဘက်တွင် ဂျီဘူတီနိုင်ငံ၊ အနောက်တောင်ဘက်တွင် ကင်ညာနိုင်ငံ၊ မြောက်ဘက်တွင် ယီမင်နိုင်ငံ နန့် အေဒင်ပင်လယ်ကွေ့ ၊ အရှေ့ဘက်တွင် အိန္ဒိယသမုဒ္ဒရာ၊ အနောက်ဘက်တွင် အီသီယိုးပီးယားနိုင်ငံ ရို့ ဟိကတ်ရေ။ ဆိုမာလီယာနိုင်ငံရေ အာဖရိကတိုက်တွင် ကမ်းရိုးတန်း အရှည်လျားဆုံးရေ နိုင်ငံဖြစ်ရေ။ နိုင်ငံဧ မြေပြင်အနေအထားမှာ ကုန်းမြေမြင့်တိ၊ လွင်ပြင်တိနန့် ကုန်းမြင့်တိ ပါဝင်ရေ။ တစ်နှစ်ပတ်လုံး ပူပြင်းပြီး အချိန်မှန်တိုက်ခိုက်ရေ မုတ်သုံလေနန့် ပုံမှန်မဟိရေ မိုးရွာသွန်းမှုရို့ ဟိရေ။
ကိုးကား
edit- ↑ United Nations World Population Prospects (2008 revision): Estimate for mid-2010