ဆစ်ခ်ဘာသာရေ ၁၅ရာစုအတွင်း အိန္ဒိယနိုင်ငံ ပန်ဂျပ်ဘ်ပြည်နယ်တွင် ပေါ်ပေါက်ခရေ ကိုးကွယ်ယုံကြည်ရာ ဘာသာတစ်ခု ဖြစ်ရေ။ စတင်တည်ထောင်ခသူမှာ ဂုရု နာနာ့ဗ် ဒပ်ဗ် ဖြစ်ပြီး သူမှစ၍ နောက်ထပ် ဂုရု ၁၀ ယောက်တိုင်အောင် တဖြည်းဖြည်း တိုးတက်လာခပြီး ဆစ်ခ်ဘာသာ ဆိုင်ရာ နောက်ဆုံးဟောပြောခသူမှာ ဂုရုဂိုဘင်ဒ် ဆင်းဂ်ဖြစ်ပြီး ဆက်လက်၍ ကိုးကွယ်ရန် ဘာသာရီးကျမ်းမြတ်ဖြစ်ရေ ဂုရု ဂရန့် ဆာဟစ် ဂျီ အား ဂုရုအဖြစ်တင်မြှောက်ခရေ။ ကမ္ဘာပေါ်တွင် ပဉ္စမမြောက် ကိုးကွယ်သူ အတိဆုံး ဘာသာတရား ဖြစ်ပြီး ကိုးကွယ်သူပေါင်း သန်း ၃၀ ကျော် ဟိရေ။ အိန္ဒိယနိုင်ငံ ပန်ဂျပ်ဘ်ပြည်နယ်မှာ ကမ္ဘာပေါ်တွင် ဆစ်ခ်ဘာသာ ကိုးကွယ်သူ အတိဆုံး ဒေသ ဖြစ်ရေ။
ဆစ်ခ်ဘာသာဝင်ရို့ အနီနန့် သူတော်စင် စစ်ရေတော် စိတ်ဓာတ်ဟိရမည်ဟု ပြဋ္ဌာန်းထားရေ။ လူတစ်ယောက်အနီနန့် မိမိရို့ ကိုယ်အတွင်းမှ မကောင်းမှုတိကို မိမိဘာသာ ထိန်းချုပ်နိုင်ရမည်ဖြစ်ပြီး ဂုရု ဂရန့် ဆာဟစ်မှ ရှင်းလင်း ဟောကြားခရေ စင်ကြယ်မှုတိနန့် ဖြည့်ဆည်းနိုင်အောင် ကြိုးစားရမည်ဟု ပြဋ္ဌာန်းထားရေ။ ဆစ်ခ်ရို့အနီနန့် မတရားသဖြင့် ဖိနှိပ်ခံရသူရို့ အား ဘာသာမရွေး၊ အသားအရောင်မရွေး၊ ဇာတ်နိမ့် ဇာတ်မြင့် မရွေး၊ ယုံကြည်သက်ဝင်မှု မရွေး မည်သူ့အား ဖြစ်စေ အကာအကွယ် ပီးနိုင်ရန် အတွက် သတ္တိဟိရမည်ဟု ပြဋ္ဌာန်းထားရေ။
ဂုရု (၁၀) ပါး
edit- ဂုရု နာနာ့ဗ် ဒပ်ဗ် (Guru Nanak Dev )
- ဂုရု အမ်မား ဒေ့စ် (Guru Amar Das )
- ဂုရု အန်ဂဒ် ဒပ်ဗ်(Guru Angad Dev )
- ဂုရု ရံမ် ဒေ့စ် (Guru Ram Das )
- ဂုရု အာဂျန် ဒပ်ဗ် ( Guru Arjan Dev )
- ဂုရု ဟား ဂိုဘင်ဒ် (Guru Har Gobind )
- ဂုရု ဟား ရား (Guru Har Rai)
- ဂုရု ဟား ခရီရှန်း (Guru Har Krishan)
- ဂုရု ဒန်းဂ် ဗဟာဒူး (Guru Tegh Bahadur)
- ဂုရု ဂိုဘင်ဒ် ဆင်းဂ်(Guru Gobind Singh )
- ဂုရု ဂရန့် ဆာဟစ် (Guru Granth Sahib)
ဆစ်ခ်ဘာသာမှ ပညတ်ချက်တိ
edit- ဆံပင်ဖြတ်ခြင်းမှ ရှောင်ကြဉ်ရာဧ : ဘုရားသခင်ဧ တုနှိုင်းမဲ့ဖန်တီးမှုကို လေးစားရေအားဖြင့် မိမိရို့ ဆံပင်ကို ဖြတ်ညှပ်ခြင်းမပြုပဲ သဘာဝအတိုင်းသန့်ရှင်းစွာ မွေးမြူရာဧ။
- မူးယစ်သေစာသုံးစွဲခြင်းမှ ရှောင်ကြဉ်ရာဧ: အရက်သေစာသောက်စားခြင်း၊ မူးယစ်ဆေး၊ ဆေးရွက်ကြီးနန့် ဆစ်ခ်ဘာသာတရားဧ "ဆစ်ခ် ရာဟစ် မာယာဒါ"[1]အရ တားမြစ်ထားရေ အခြားရေမူးယစ်စေတတ်ရေအရာမှန်သမျှကို ရှောင်ကြဉ်ရာဧ။
- အသားစားခြင်းမှ ရှောင်ကြဉ်ရာဧ : ရှင်ပြုပြီးရေဖြစ်စေ၊ မပြုရသိမ်းရေဖြစ်စေ၊ ဆစ်ခ်လူမျိုးတိုင်းရေ အသားစားခြင်းမှ (အထူးသဖြင့် ဟလာ နည်းဖြင့် လည်လှီးသတ်ဖြတ်ထားရေ အသားတိ)ကို ရှောင်ကြဉ်ရာဧ။[2]