ဆင်ဗိုင်အိုစစ်ဆိုစွာမှာ သက်ဟိသတ္တဝါနှစ်မျိုးရို့ သဟဇာတဖြစ်ကတ်ရေ အခြင်းအရာကို ဆိုလိုရေ။ ဒေပိုင်နှစ်ဦး နှစ်ဝ အတူပေါင်းစပ် နီထိုင်ကြသည့် အတွက် တစ်ဦးကြောင့် တစ်ဦးအပေါ်၌ များရေအားဖြင့် နစ်နာမှုမဟိချေ။ တစ်နီ ရာရာတွင် နစ်နာမှုကို အကျိုးဟိစေမှုက ဖြေဖျောက်ပီးလီရေ။ ဒေပိုင် တစ်ဦးနန့်တစ်ဦး အထောက်အပံ့ပြုရေစနစ်ကို ဆင်ဗိုင်အိုစစ်ဟု ဇီဝဗေဒသဘောဖြင့် ခေါ်ဆိုကတ်ရေ။ အပင်ရို့တွင် အချင်းချင်း မှီခိုမှုအများအပြား ဟိကတ်ရေ။ ယကေလည်း အတွိ့အများဆုံးမှာ သစ်ကပ်မှော်ပင်ဖြစ်ရေ။ သစ်ကပ်မှော်ပင်ရေ ကျောက်တုံး၊ သစ်တုံး၊ သစ်ပင်၊ မြေကြီးရို့ အပေါ်တွင်ပေါက်ရေ။ ယင်းရေ အပင်တစ်ပင်တည်း မဟုတ်။
အယ်လဂါရေညှိပင်နန့် ဖန်းဂပ် ပင်ရို့ရောပနာ ပေါက်ရောက်နေခြင်းဖြစ်ရေ။ သစ်ကပ်မှော်ပင် ကို အလယ်ကပိုင်းဖြတ်ကြည့်ရှုကေ ထိုအချက်ကို သိသာနိုင် လီရေ။
ဖန်းဂပ်ပင်ရေအယ်လဂါရေညှိ ထံမှ အစာကို စုတ်ယူ လျက်နီရေ်လည်း ရေညှိ မှာအလွန်နစ်နာခြင်းမဟိ။ အယ်လဂါရေညှိ ရေ ဖန်းဂပ်နန့် တွဲနေခြင်းအားဖြင့် လေထဲမှရေကို ဖန်းဂပ်ထံမှတစ်ဆင့် စုတ်ယူနိုင်ရေ။ သို့မဟုတ်ပါက ရေမရ နိုင်ဘဲ သေဖွယ်ရာအကြောင်းဟိရေ။ အယ်လဂါရေ ဖန်းဂပ်အား အစာထောက်ပံ့ပနာ၊ ဖန်းဂပ်က အယ်လဂါအား ရေထောက် ပံ့ရေ။ ဒေပိုင်အပြန်အလှန်ထောက်ပံ့မှုဖြင့် သစ်ကပ်မှော် ရေ ပူပြင်းခြီာက်သွေ့ရေဒေသ၌ အသက်သျှင်ပနာ နီနိုင်လီရေ။
ပါဏဗေဒနန့်ဆိုင်ရေ အပြန်အလှန်ထောက်ပံ့မှု သာဓက ကောင်းတစ်ခုကို ပင်လယ်မှိုကောင်နန့် ဟားမစ် ကရက်ခေါ် ကနန်းတစ်မျိုးရို့တွင် တွိ့နိုင်ရေ။ ထိုတိရစ္ဆာန်နှစ်မျိုးအတူ တကွ ပေါင်းသင်းနီထိုင်ကြခြင်းဖြင့် တစ်ဦးချင်းဘဝ၌ ဟိနေ ရေ ချို့တဲ့ချက်အချို့ ပျောက်လားနိုင်ရေ။ အဆိုပါကနန်းမျိုးရေ ကနန်းပင်ဖြစ်ကေလည်း အခြားကနန်းမျိုးမှာပိုင်ကာ ကွယ်ရန် အခွံမာတိမဟိချေ။ နူးညံ့သည့်ကိုယ်ထည်သာဟိရေ။ ထိုကြောင့် အဆိုပါကနန်းမျိုးဧ ပထမတာဝန်မှာ ခိုလှုံရန်တစ်ခု ခုကို ယှာဖွီရန်ဖြစ်ရေ။ ထိုကြောင့် ယင်းရေ ရေငန်ခရုပက် ကျိပိုင် ခရုမျိုးက စွန့်ပစ်ထားသည့် အခွံဆီသို့ ရွှေ့လားရလီရေ။ ကနန်း အရွယ်ကြီးလာသည့်အခါတွင် ပိုပနာကြီးမား သည့် အခွံဟိရာသို့ ရွှေ့ပြောင်းပနာ နေရပြန်ရေ။ ထိုနည်းဖြင့် အကာအကွယ်ရနီရေကြောင့် ပိုပနာစိတ်ချစွာနန့် တစ်နီရာမှ တစ်နီရာသို့ ရွေ့လားနေနိုင်လီရေ။ ယင်းပိုင်လားနေစဉ် တစ်နေ့နေ့၌ ကျောက်ဆောင်တစ်ခုတွင် တွယ်ကပ်နီရေ ပင်လယ်မှိုကောင်ဧအနီးသို့ ချဉ်းကပ်တွယ် လားမိတတ်လီရေ။ ယင့်အခါ ပင်လယ်မှိုကောင်က သူဧ လက်ရီးဖြင့် အဆိုပါကနန်းဧ အခွံငှားပေါ်တွင် တွယ်ကပ် လိုက်လီရေ။ ထိုအချိန်မှစပနာ ပင်လယ်မှိုကောင်ရေ နေသား တကျနီထိုင်ရပြီး ကေ ကနန်းလှည့်လည်လားလာရာတွင် ပါလားလီရေ။ ပင်လယ်မှိုကောင်တွင် အဆိပ်ပါရေ ဦးမှင် တိဟိနေအတွက်နန့် သူမှီခိုနီထိုင်သည့် ကနန်းဧ အနီးသို့ချဉ်းကပ် လာသည့် တိရစ္ဆာန်တိအား အဆိပ်ဦးမှင်တိနန့် တုပ်ရေ။ ယင်းပိုင် ကနန်းအား အကာအကွယ်ပီးရေကြောင့် ယင်းကို ကနန်းက တစ်နီရာမှတစ်နီရာသို့ အစာရရရန်အတွက် လှည့်လည်ပို့ပီးရေ။ ပင်လယ်မှိုကောင်ရေ တွိ့ရာတိရစ္ဆာန်ငယ် ကလေးတိကိုသာ ဖမ်းယူစားရေက်နိုင်လီရေ။ အလွန်ထူးခြားရေ အပြန်အလှန် ထောက်ပံ့မှု တစ်မျိုးကို ပရွက်ဆိတ်နန့် ပျကောင်ရို့တွင် တွိ့ရပေသိမ်းရေ။ ပျကောင် ရေ သူရို့ဧ နှုတ်သီးဖြင့် အရွက်နုကလေးတိထဲမှ အရည်ကို စုတ်ယူစားရေက်ရေ။ ထိုပျကောင်ဧ ကျောကို ပရွက် ဆိတ်က သူဧဦးမှင်တိနန့် ပွတ်သပ်ပီးရေ။ ယင့်အခါ ပျကောင်မှ အရည်ချိုထွက်လာရေ။ ထိုအရည်ချိုရေ ပရွက် ဆိတ်အတွက် ကောင်းမွန်ရေ အစာအာဟာရဖြစ်လီရေ။
ပရွက်ဆိတ်ရေ ပျထံမှအရည်ချိုရဟိပနာ အပြန်အလှန် သဘောဖြင့် ပျကောင်ကို အကျိုးပြုလီရေ။ ပမာအားဖြင့် ပျကောင်ကို ရန်သူက တိုက်ခိုက်လာကေ ပရွက်ဆိတ်ရေ ပျကောင်ထံသို့ ပြေးလားပြီးကေ ထိုရန်သူဧ ဘေးမှကာကွယ် ပီးရေ။ ပျရေ အစာနည်းရေ အပင်တိတွင် စားရေက်နေကေ ပရွက်ဆိတ်က အစာပေါတိရေအပင်သို့ပို့ပီးရေ။ အပင်မှ အရွက်တိကြွေချိန်တွင် ပရွက်ဆိတ်ရေ ပျဥတိကို သူရို့ဧ အသိုက်သို့ ယူဆောင်လာပနာ ဆောင်းဥတုတစ်ခုလုံး အတွင်းတွင် စောင့်ရှောက်ပီးရေ။ နွေဦးသို့ရောက်လာရေ အခါတွင် ပျကောင်ကို အစာပေါတိရာ အပင်ဆီသို့ပို့ပီးရေ။ ယင်းပိုင်အားဖြင့် ပရွက်ဆိတ်အဖို့ အာဟာရဖြစ်စီရေ အရည်ချိုကို ရဟိနိုင်ပေမည်။[1]
ကိုးကား edit
- ↑ မြန်မာ့စွယ်စုံကျမ်း၊ အတွဲ(၄)