စိုက်ပျိုးရီး ရှေးခေတ် လူတိရေ ဝမ်းစာရရာရကြောင်း ဖြင့် ခြီဦးတည့်ရာ အရပ်တိသို့ လှည့်လည်လားလာ စီးပွား ရှာကြလီရေ။ ထိုနောက် အိုးအိမ် အတည်တကျ ထူထောင်ပနာတစ်နီရာရာတွင် အခြီစိုက်ကာ နေလာကြဧ။
ယင်းသို့ အခြီစိုက်ကြခြင်းမှာ မြီဆီလွှာကို ခြစ်ယက် တူးဆွလျက် အသီးအနှံပင်တိ စိုက်ပျိုးကြခြင်းအားဖြင့် ဝတ်ရီး၊ စားရီး၊ နေရီး၊ ဖူလုံနိုင်ရေဆိုရေ အသိဉာဏ် ပွင့်လင်းလာခြင်းကြောင့်ပင် ဖြစ်ရေ။ စိုက်ပျိုးရီးလုပ်ငန်းကို စတင် ဆောင်ရွက်ကြသည့်အခါ၌ လူရို့ရေ ယခင်ကကဲ့သို့ ခြီသလုံးအိမ်တိုင်ပြုကာ လှည့်လည်လားလာ မနီကတ်တော့ဘဲ ကိုယ်ပိုင် စိုက်ခင်းမြီတိ အနီးအပါးဟိ တစ်နီရာရာတွင် အတည်တကျ အခြီစိုက် နီထိုင်လာကြလီရေ။ ကိုယ့်အိုး ကိုယ့်အိမ် ကိုယ့်အယာနန့် အခြီဖြစ်လာသည့်အခါတွင် လူစုအသင်းအပင်းတိ ပေါ်ပေါက်လာသည့်အလျောက် အချင်းချင်း ရင်းနှီး ပွန်းတီးစွာ ပေါင်းသင်းဆက်ဆံမှု စိုက်ပျိုးရီးကို အခြီပြုရေ လုပ်ခွဲဝေမှု အစဟိသည့် လူမှုရီးရာရို့ ထွန်းကား ပေါ်ပေါက်လာလီရေ။ ယင်းပိုင်ဖြင့် လူဧ ယဉ်ကျေးမှု အဆင့်အတန်းရေလည်း တဖြည်းဖြည်း တိုးတက်လာလီရေ။ မူလသုံးစွဲရေ တုတ်ချွန်၊ စူးချွန်တိ အစား ထွန်လား၊ ထွန်သန်ရို့ဖြင့် မြီကြီးကို ထွန်ယက်လာကြ ရေ။ စားကောင်း ရေ အသီးအနှံပင်တိကို တစ်မျိုးပြီး တစ်မျိုး ဖြည့်စွက် စိုက်ပျိုးလာကတ်ရေ။ တိရစ္ဆာန်ရိုင်းတိ ကိုလည်း ယဉ်ပါးလာအောင် မွေးမြူလျက် နီထိုင်စားသောက် နေရီးတွင် အနည်းနည်းဖြင့် အထောက်အပံ့ ဖြစ်စီရန် အသုံးချလာကတ်ရေ။ စိုက်ပျိုးထားရေ ဘီသွာလျှော် (နှမ်းချပ်လျှော်)၊ ဝါဂွမ်း စရေရို့နန့် အိမ်တွင်မွေးထားရေ သိုးမှရသည့် သိုးမွေးတိကို မိန်းမတိက အိမ်သုံး အဝတ် အထည်တိအတွက် ခြည်ငင်ခြင်း၊ ရက်လုပ်ခြင်းတိ ပြုလုပ် လာလီရေ။ ဒေကဲ့သို့ လယ်ယာစိုက်ပျိုးရီးကို အမှီပြုလျက် ခေတ်သစ် ယဉ်ကျေးမှုဧ အခြီတည်ဆောက်ရာဖြစ်ရေ လုပ်ငန်းတိ ထွန်းကား လာရေနန့်အမျှ လူရို့ဧ နီထိုင်မှု စားသောက်မှုရို့ရေလည်း ပိုပြီးကေပနာသက်သာ ချောင်ချိလာ လီရေ။ ကျောက်တုံး ကျောက်ခဲတိကို လက်နက်ကြမ်း တိအဖြစ်ဖြင့် သုံးစွဲကတ်ရေ ကျောက်ခေတ်ဧ နှောင်းပိုင်း ကာလမှအစပြုပနာလယ်ယာ စိုက်ပျိုးရီးလုပ်ငန်း ထွန်းကား ခရေဖြစ်ရာ ဒေလုပ်ငန်းရေ အလွန်ရှေးကျသည့် လုပ်ငန်း တစ်ရပ်ဟု ဆိုရပါဖို့။ ထိုကြောင့် လူရို့ဧ သမိုင်းစဉ်ကို မှတ်တမ်းမတင်မီကပင် လူတိရေ စိုက်ပျိုးရီးလုပ်ငန်းကို အထိုက်အလျောက် တတ် မြီာက်ပြီးဟု ဆိုရလီရေ။
သို့ရာတွင် ဒေလုပ်ငန်း အစဉ်တစိုက် ခေတ်အလိုက် တိုးတက်လာရေဟု မဆိုနိုင်ချေ။ ၁၈ ရာစုနှစ်တိသို့ ရောက်သည့်အခါကျမှ တိုးတက်ကောင်းမွန်လာရေ လယ်ယာ စိုက်ပျိုးရီး ကိရိယာတိကို တီထွင် သုံးစွဲ လာခြင်းကြောင့် ၎င်း၊ မြီချန်မြီလပ်တိတွင် ဥစားပင်တိကို အလှည့်ကျ စိုက်ပျိုးလာကြခြင်းအားဖြင့်၎င်း၊ ဒေမျှ ရှေးကျရေ စိုက်ပျိုး ရီးလုပ်ငန်းရေ သိသိသာသာ တိုးတက်လာခလီရေ။ ကမ္ဘာ့သမိုင်းတွင် လယ်ယာ ထွန်ယက် စိုက်ပျိုးမှု ထွန်းကားသည့် အရပ်တိ၌ နီထိုင်သူရို့ဧ ယဉ်ကျေးမှု အဆင့် အတန်းရေ အခြားအရပ်ဟိ လူရို့ဧ အဆင့်အတန်း ထက် တိုးတက် ကြီးမြင့်နေကြောင်းကို တွိ့ရလီရေ။ ဒေ အချက်ကို ထောက်ရှုလျက် လူရို့ဧ ယဉ်ကျေးမှု အဆင့် အတန်း တိုးတက်ကြီးမြင့်လာခြင်းကို လယ်ယာစိုက်ပျိုးရီး လုပ်ငန်း ဖွံ့ဖြိုးလာခြင်းဖြင့် စံချိန်ထိုးကြည့်နိုင်လီရေ။
သို့ဖြစ်ပနာလယ်ယာစိုက်ပျိုးရီးလုပ်ငန်းရေ ဂနိတိုင် လူရို့ဧ ယဉ်ကျေးမှု အခြီခံအုတ်မြစ်သဖွယ် တည်လျက် ဟိနေလီရေ။
ဂုခေတ်တွင် စိုက်ပျိုးရီးပညာရေ အလွန်ကျယ်ဝန်း ရေ ပညာတရပ် ဖြစ်လာသည့်အလျောက် နိုင်ငံကြီးတိ၌ စိုက်ပျိုးရီးအတတ်သင် သိပ္ပံကျောင်းတိ ဖွင့်လှစ်လျက် ထိုပညာနန့် ဆိုင်ရေ ခေတ်မှီ လယ်ယာစိုက်ပျိုးရီး နည်း စံနစ်တိ၊ ကျွဲနွား တိရစ္ဆာန် မွေးမြူခြင်းအတတ် အစဟိရေ ရို့ကို သင်ကြား ပို့ချပီးနေလီရေ။ ယင်းချင့်အပြင် လယ်ယာ စိုက်ပျိုးရီး သုတေသနလုပ်ငန်းတိကိုလည်း တွဲဖက်ပနာ ဆောင်ရွက်လျက်ဟိကြဧ။ နိုင်ငံပိုင် အစိုရရို့ကလည်း ထိုလုပ်ငန်းကို ယခင်ကထက် အားပီးကူညီနေလီရေ။
ကိုးကား
edit