၁၉၆၇ စစ်တွေ ဆန်ပြဿနာ စွာ မြန်မာ့ဆိုရှယ်လစ်လမ်းစဉ်ပါတီအစိုးရခေတ် ၁၉၆၇ ခုနှစ် မိုးရာသီတွင် ရခိုင်ပြည်နယ်၌ စားနပ်ရိက္ခာ ယှားပါးပြီး အငတ်ဘေးကြုံရသဖြင့် ဩဂုတ် ၁၃ ရက်နိတွင် စစ်တွေမြို့လမ်းမပေါ်သို့ ထွက်ကာ ဆန်ရဟိရေးအတွက် ဆန္ဒပြတောင်းဆိုခကတ်ရေ ပြည်သူတိကို စစ်တပ်က သေနတ်ဖြင့် ပစ်သဖြင့် လူပေါင်း ၂ဝဝ ကျော်သေဆုံးခရေ ဖြစ်စဉ် ဖြစ်ရေ။[1][2][3]
အဆိုပါ ဩဂုတ် ၁၃ ရက်နိကို စစ်တွေ ဆန်ပြဿနာနိ အဖြစ် သတ်မှတ်ကာ ဝမ်းနည်းအောက်မေ့ဖွယ် အခမ်းအနားတိကို နှစ်စဉ်နှစ်တိုင်း ရခိုင်ပြည်နယ်နန့် နိုင်ငံတကာဟိ ရခိုင်လူမျိုးတိဟိရေနီရာတိတွင် ကျင်းပကတ်ရေ။[4]
ဖြစ်စဉ် edit
၁၉၆၇ ခုနှစ်တွင် ရခိုင်ပြည်၌ ရာသီဥတုမကောင်းမွန်၍ စိုက်ပျိုးပင်တိမဖြစ်ထွန်းရေအတွက် ဆန်စပါးမှာလည်း အထွက်နည်းလားခရေ။ ဦးနေဝင်းဧ မြန်မာ့ဆိုရှယ်လစ်လမ်းစဉ်ပါတီအစိုးရစွာ ရခိုင်ဒေသစပါးအထွက်နူန်း ကျဆင်းမည်ကိုသိဟိလျက် နိုင်ငံခြားသို့ စပါးတင်းရေပြည့်မီအောင် ရောင်းချနိုင်ရေးကိုသာ ဦးစားပီးခသဖြင့် ဒေသတွင်း ဝမ်းစာမဖူလုံဖြစ်ခရရေ။[5]
ထိုကြောင့် ရခိုင်ပြည်ဟိ အခြေခံလူထုမှာ ငတ်မွတ်ခေါင်းပါးမှုပြဿနာကို ကြုံတွိ့ခရရေ။ စစ်တွေမြို့ဟိ ဆန်ဂိုထောင်တိတွင် ဆန်အပြည့်ဟိကေလည်း အစိုးရမှ ဆန်ရောင်းချမပီးခြင်း၊ လူတစ်ယောက်ကေ နို့ဆီဗူးဖြင့် ၁၄ ဗူးသာ ရောင်းချပီးခခြင်းရို့ကြောင့် နိုင်ငံခြားသို့တင်ပို့ရန် ဆန်ဂိုဒေါင်တိ၌ လှောင်ထားရေဆန်တိကို ရောင်းချပီးရန် ၁၉၆၇ ခုနှစ်၊ ဩဂုတ်လ ၁၃ ရက်နိတွင် စစ်တွေမြို့ဟိ ရခိုင်ပြည်သူလူထုစွာ "ပြုတ်ဆန်မစား ရခိုင်သား၊ ဆန်ခွဲမစားရခိုင်သား" ဟု ဟစ်ကြွေးကာ ငြိမ်းချမ်းစွာ လှည့်လည်ဆန္ဒပြတောင်းဆိုခကတ်ရေ။ ထိုသို့ ငြိမ်းချမ်းစွာဖြင့် တောင်းဆိုခစွာကို အစိုးရမှ လိုက်လျောခြင်း မဟိရေအပြင် ခလရ ၂၀ တပ်ရင်းမှူးက ပစ်မိန့်ပီးနှိမ်နှင်းခသဖြင့် ဒေသခံရခိုင်ပြည်သူ ၂၀၀ ကျော် သေဆုံးခရရေ။
ကိုးကား edit
- ↑ ထွန်းခိုင် (တောင်ရင်းကျွန်း) |(၅၃) နှစ်မြောက် စစ်တွေ ဆန်ပြဿနာနိ ဝမ်းနည်းအောက်မေ့ဖွယ် အခမ်းအနားကို ရခိုင်ပြည်ကျောင်းသားသမဂ္ဂအဖွဲ့မှ စစ်တွေတွင်ကျင်းပ |https://burmese.narinjara.com/news/detail/5f352c373a28961ad1c9ff79
- ↑ =စစ်တွေ ဆန်ပြဿနာ နှစ်ပတ်လည် ကုသိုလ်ပြုပွဲ |https://www.rfa.org/burmese/news/sittwe-rice-affair-08132011133346.html
- ↑ ခေတ်သမိုင်းတွေကို နှောင်းလူငယ်တွေသိစေဖို့ စစ်တွေဆန်ပြဿနာနိကို ကျင်းပရခြင်းဟု ANP ခေါင်းဆောင်ဒေါ်အေးနုစိန်ပြော |https://www.bnionline.net/mm/news-67297
- ↑ ၄၄ နှစ်မြောက် ရခိုင်ပြည် ဆန်ပြဿနာနိ |http://blog.irrawaddy.com/2011/08/blog-post_7907.html
- ↑ ရခိုင်ပြည်လုံးဆိုင်ရာကျောင်းသားနန့် လူငယ်တိအစည်းအရုံး |နှစ် (၅၀) မြောက် ဆန်ပြဿနာနိ အထိမ်းအမှတ်အတွက် သဘောထားထုတ်ပြန်ကြေညာချက် |https://progressivevoicemyanmar.org/2017/08/13/%E1%82%8F%E1%80%BD%E1%80%85%E1%80%B9-%E1%81%85%E1%81%80-%E1%80%B1%E1%80%BB%E1%80%99%E1%80%AC%E1%80%80%E1%80%B9-%E1%80%86%E1%80%94%E1%80%B9%E1%80%BB%E1%80%95%E1%82%86%E1%80%94%E1%80%AC%E1%80%B1/