| ငနက်ကေ စေတီ | |
| တည်နီရာ | မြောက်ဦးမြို့၊ ရခိုင်ပြည် |
| ကုသိုလ်သျှင် | မင်းစောမွန် |
| တည်ထားခုနှစ် | ကောဇာသက္ကရာဇ် (၇၉၂) ခု၊အေဒီ (၁၄၃၀) ခုနှစ် |
တည်နီရာ
editမြောက်ဦးနန်းတော်ကုန်းဧ့ အနောက်ဘက်မိုင်ဝက်ခန့်အကွာတွင် တည်ဟိပြီး လက်ကွယ်တောင်စေတီတော်ဧ့ အရှေ့ဘက်၊ ဝင်္ကပါ စေတီတော်ဧ့ တောင်ဘက်တွင်ဟိပါရေ ။ ကုသိုလ်ရှင် ဘုရင်မင်းစောမွန်ရေ ကောဇာသက္ကရာဇ် (၇၉၂) ခု၊အေဒီ (၁၄၃၀) ခုနှစ်တွင် တည်ဆောက်လှူဒါန်းခပါ ရေ ။
သမိုင်းအကျဉ်း
editဘုရင်မင်းစောမွန်ရေ မြို့တည်ဘုရားတိကို တည်ဆောက်လှူဒါန်းရေအခါ ဤငနက်ကေစေတီတော်ကိုလည်း အကာဘုရားတိထဲတွင် အကာဘုရားတစ်ဆူအဖြစ် တည်ဆောက်လှူဒါန်းခရေ ဟု သိဟိရပါရေ ။ ငနက်ကေဟူရေ မှာ မြို့စောင့်ဘီလူးအမည်ကို ခေါ်တွင်ခြင်းဖြစ်ပြီး ထိုမြို့စောင့်ဘီလူးအမည်ကို အစွဲပြုကာ စေတီတော်ကိုလည်း ငနက်ကေစေတီတော်ဟူပနာလည်း မဲ့ခေါ်လာကြပါရေ ။
ဗိသုကာလက်ရာ
editငနက်ကေစေတီတော်ကို ပေ (၈၀) နီးပါးခန့်မြင့်ရေ ငနက်ကေတောင်ကုန်းထိပ်တွင် ကျောက်အတိဖြင့် တည်ဆောက်ထားပါရေ ။ စေတီတော်ဟိ အာရုံခံနန့် လှေကားကို အုတ်ဖြင့် တည်ဆောက်ထားရေ ကိုလည်း သိဟိရပါဧ့။ လက်ဟိစေတီတော်ဧ့ လက်ကျန်အနီအထားမှာ အမြင့် (၉) ပေခန့်ဟိပါရေ ။ အောက်ခြေလေးမျက်နှာပုံစံဖြစ်ပြီး အနားတစ်ဖက်လျှင် (၂၉) ပေခန့်ဟိပါရေ ။ စေတီတော်လေးမျက်နှာစလုံးတွင် မုခ်ကပ်တိဖြင့် ထွင်းထုထားရေ ကို တွေ့ဟိပါဧ့။ စေတီတော်မုခ်ကပ်ထဲတွင် ဆင်းတုတော်တိပူဇော်ထားပါရေ ။ စေတီတော်ကို ကျောက်ဆစ်အနုလက်ရာတိဖြင့် တန်ဆာဆင်ထားရေ ကို တွေ့ဟိရပါရေ ။ စေတီတော်အရှေ့ဘက်မုခ်ထဲမှ (၁၂၈x၄) အတိုင်းအတာဟိ ရဟန်းတော် (၅) ပါး ဆွမ်းခံကြွနီဟန် ကျောက်ဆစ်ရုပ်ကြွတစ်ခုကိုလည်း ထူးခြားစွာတွေ့ဟိရပါရေ ။ ထိုကျောက်ဆစ်ရုပ်ကြွကို မြောက်ဦးရှေးဟောင်း သုတေသနပြတိုက်တွင် ထိန်းသိမ်းပြသလျက်ဟိပါရေ ။
ကိုးကား
editမြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅