အမေရိကန်လူမျိုး ကမ္ဘာ့လီကြောင်းသူရဲကောင်း ချား ဩဂတ်စတပ် လင်းဗတ်ကို ခရစ် ၁၉ဝ၂ ခုနှစ်၊ ဖေဖော်ဝါရီလ ၄ ရက်နိတွင် အမေရိကန်ပြည်ထောင်စု မီချီဂန်ပြည်နယ်၊ ဒက်ထရွိုက်မြို့တွင် ဖွားမြင်ရေ။ သူဧဖခင်ကား မင်နီဆိုးတာပြည်နယ်မှ ကွန်ဂရက်အမတ်တစ်ဦးဖြစ်ဧ။ ငယ်ရွယ်စဉ်က လစ်တယ်ဖောမြို့ပီး အထက်တန်းကျောင်းတွင် ပညာသင်ကြားခပြီးနောက် ဝစ္စကွန်းဆင်း တက္ကသိုလ်တွင် အင်ဂျင်နီယာအတတ်ကို ဆက်လက်သင်ကြားခရေ။ ယင်းတက္ကသိုလ်မှ တတ်မြောက်အောင်မြင်ခပြီးနောက် လင်ကွန်းလီကြောင်း အတတ်သင် ကျောင်းသို့ ဆက်လက်တက်ခပြန်ရေ။ လီကြောင်းဆိုင်ရာနန့် စက်ကိရိယာ ဆိုင်ရာတွင် ကျွမ်းကျင်လီရေကြောင့် ခရစ် ၁၉၂၄ ခုနှစ်တွင် အမေရိကန် ပြည်ထောင်စုလီတပ်သို့ ဝင်ခွင့်ရခရေ။ သူဧ အရည်အချင်းတိကြောင့် ၁၉၂၅ ခုနှစ်တွင် ပြန်တမ်းဝင်အရာပီး အဆင့်အတန်းသို့ တိုးမြှင့်ခန့်ထား ခြင်းခံရဧ။
၁၉၂၇ ခုနှစ်၊ မေလ ၂ဝ ရက်နိ နံနက် ၇ နာရီ ၅ မိနစ် အချိန်တွင် လောင်းအိုင်လင်းရူးဇဗဲ့ လေယာဉ်ပျံကွင်းမှ တက်ခပနာ နောက် တစ်ရက် (မေလ ၂၁ ရက်နိ)တွင် ပြင်သစ်နိုင်ငံ၊ ပါရစ်မြို့ လဗူဇေးယာလီယာဉ်ပျံကွင်း၌ ည ၁ဝ နာရီ ၂၁ မိနစ်အချိန် သက်ဆင်းခရေ။ အတ္တလန္တိတ် သမုဒ္ဒရာကို တစ်ယောက်တည်း ရှေးဦးစွာ ပျံသန်းဝံ့သူ ဖြစ်ပနာ လင်းဗတ်ရေ လီယာဉ်ပျံ ကွင်းသို့ ဆင်းရေနန့် တစ်ပြိုင်နက် ပြင်သစ် ပြည်သူပြည်သားတိက ဆီးကြိုဂုဏ်ပြုကြလီရေ။ မိုင်ပေါင်း ၃၆ဝဝ ကျယ်ရေပင်လယ်ကို ၃၃ နာရီ ၂၉ မိနစ်နန့်အရောက် ဖြတ်သန်းပနာ မောင်းနိုင်ရေ လေသူရဲကောင်းကြီးဖြစ်လီရေ။ ဥရောပတိုက်မှ ထိပ်သီး ပုဂ္ဂိုလ်ကြီးမားကပင် မြှောက်စားချီးကျူးခြင်း ခံရလီရေ။ ပါရစ်မြို့မှ အမေရိကန်ပြည်ထောင်စုသို့ ပြန်ရောက်ရေအခါ၌လည်း အမေရိကန်သမ္မတ ကယ်လဗင်ကူးလစ်က နိုင်ငံတော်အစိုးရဧ ချီး ကျူးပွဲတစ်ရပ် ကျင်းပပြီးကေ သူရဲကောင်းဆုတံဆိပ်ပင် ပီးအပ်ခလီ ရေ။ အမေရိကန်ပြည်ထောင်စု လီတပ်မတော်၌ပင် ဗိုလ်မှူးကြီးအဆင့် အတန်းအထိ တိုးမြှင့်ခန့်ထားခြင်းခံရရေ။
လင်းဗတ်ဧ အတ္တလန္တိတ် သမုဒ္ဒရာကိုဖြတ်ပနာ ပျံသန်းရေ လေ ကြောင်းခရီး အဖြစ်အပျက်ကို နယူးယောက်တိုင်း သတင်းစာက ဒေါ်လာပေါင်း နှစ်သိန်းငါးရေင်းနန့်ဝယ်ရေ။ သူဧ အကျွန်ရို့ ဆိုရေ စာအုပ်ရေ တစ်ခါက အရောင်းရဆုံးစာအုပ်ဖြစ်ခဧ။ ၁၉၂၉ ခုနှစ်တွင် အမေရိကန်ပြည်ထောင်စု ဆိုင်ရာ မက္ကဆီကို သံအမတ်ဟောင်းဧ သမီးအန်းမောရိုးနန့် ထိမ်းမြားလက်ထပ်ဧ။ အန်းမောရိုး မှာလည်း အသံဖမ်းစက်(ရေဒီယို)အတတ်ကို ကျွမ်းကျင်သူဖြစ်ပနာ လေကြောင်း၌လည်း တွဲဖက်ပါဝင်နိုင်သူ ဖြစ်ရုံမက စာရီးဆရာလည်းဖြစ်ဧ။ လင်းဗတ်ဇနီးမောင်နှံရို့ရေ နယူးယောက်မှ တရုတ်နိုင်ငံသို့ မြောက်ဘက် လမ်းမှ ပျံသန်းခကတ်ရေ။
၁၉၃၂ ခုနှစ်တွင် သူရို့ဧ အချေကို လူဆိုးတိကပြန်ပီးဖမ်းပနာ သတ်ဖြတ်လိုက်ကြဧ။ ယင်းပိုင်ခါမှစပနာ လင်းဗတ်ဇနီးမောင်နှံရို့လည်း စိတ်နှလုံးမချမ်းမသာဖြစ်ကာ ၁၉၃၅ ခုနှစ်တွင် အင်္ဂလန်နိုင်ငံသို့ ပြောင်းရွှေ့နေ ထိုင်ခကြလီရေ။ ၁၉၃၉ ခုနှစ်တွင် အမေရိကန်ပြည်ထောင်စုသို့ ပြန်လာကာ အလုပ်ဟောင်းတွင် ဝင်ရောက်လုပ်ကိုင်ရေ။ ၁၉၄၁ ခုနှစ်တွင် အလုပ်မှနုတ်ထွက်ပြီးနောက် ဖို့ဒ်မော်တော်ကား ကုမ္ပဏီတွင် ဝင်ရောက်လုပ် ကိုင်လီရေ။ ၁၉၇၄ခုနှစ် ဩဂုတ်လ ၆ ရက်တွင် ကွယ်လွန်ရေ။ [1]
ကိုးကား
edit- ↑ မြန်မာ့စွယ်စုံကျမ်း၊ အတွဲ(၁၂)