ကွမ်တမ်မက္ကင်းနစ် (အင်္ဂလိပ်: Quantum mechanics) ကို ကွမ်တမ်ရူပဗေဒ သို့မဟုတ် ကွမ်တမ်သီအိုရီ ဟူပနာလည်း ခေါ်ဆိုကတ်ရေ။ ကွမ်တမ်စက်ကွင်းသီအိုရီ ရေလည်း ကွမ်တမ်မက္ကင်းနစ်ဧ အစိတ်အပိုင်းဖြစ်ရေ။ ကွမ်တမ်မက္ကင်းနစ်ရေ ရူပဗေဒဧ အခြီခံကိုင်းခွဲတစ်ခုဖြစ်ပြီး အက်တမ်နန့် အက်တမ်အောက်အမှုန်တိဖြစ်သည့် ဖိုတွန်၊ အီလက်ထရွန် စရေရို့နန့် သက်ဆိုင်ရေ ဘာသာရပ်ဖြစ်ရေ။ ကွမ်တမ်ဖြစ်ရပ်တိရေ ပလန့်ကိန်းသေ (Plank's Constant) ဧ ဆတိုးကိန်းပြည့်တိဖြင့် ဖြစ်ပေါ်ကြောင်း လီ့လာတွိ့ဟိရရေ။ အက်တမ်အောက် အမှုန်လောကတွင် စွမ်းအင်တိ ဖလှယ်သည့်အခါ၊ ထုတ်လွှတ်သည့်အခါတိတွင် စိတ်ကြိုက်ပမာဏဖြင့် ထုတ်လွှတ်ခြင်း မဟိဘဲ ပလိန့်ကိန်းသေဧ ဆတိုးအပြည့်ကိန်းဖြစ်ရေ ပမာဏတိဖြင့်သာ ထုတ်လွှတ်ရေ။ ၎င်းရေ စွမ်းအင်ကို သတ်မှတ်ထားသည့်ပမာဏတိ(Quanta) ဖြင့်သာ ထုတ်လွှတ်ရေကြောင့် ကွမ်တမ်မက္ကင်းနစ် (Quantum mechanics) ဟု ခေါ်ဆိုခြင်း ဖြစ်ရေ။ ဒေသဘောတရားရေ ရှေးရိုးရူပဗေဒ သဘောတရားဖြင့် မည်သို့မှ သျှင်းမပြနိုင်သည့် ကိစ္စဖြစ်ရေ။
၁၉၀၀ ခုနှစ် တွင် ဝတ္တုနက်ဧရောင်ခြည်ထုတ်လွှတ်ခြင်း (Black-body radiation) ပြဿနာအပေါ် မက်စ် ပလန့် (Max Plank) ဧ ဖြေသျှင်းချက်နန့် ၁၉၀၅ ခုနှစ်တွင် အဲလ်ဘတ် အိုင်းစတိုင်းဧ အလင်းလျှပ်စစ် အကျိုး (Photoelectric effect) ကိုဖြေသျှင်းပီးသည့် ကွမ်တမ်သဘောတရား အခြီပြု သီအိုရီရို့မှ စတင်ပနာ ကွမ်တမ်မက္ကင်းနစ် ပညာရပ်ရေ တဖြည်းဖြည်း ဖွံ့ဖြိုးလာခရေ။
ကွမ်တမ်မက္ကင်းနစ် ဆိုင်ရာ သီအိုရီတိကို အသုံးပြုသည့် ထင်ရှားရေ ကိစ္စရပ်တိမှာ စူပါလျှပ်ကူးသံလိုက်၊ အလင်းလွှတ်ဒိုင်အုတ်နန့် လီဆာအလင်း၊ ထရန်စစ်စတာနန့် တပိုင်းလျှပ်ကူးပစ္စည်းတိဖြစ်သည့် မိုက်ကရိုပရောဆက်ဆာ၊ ဆေးရုံတိတွင် အသုံးပြုသည့် MRI ဓာတ်မှန်စက် စရေရို့ ဖြစ်ရေ။