ကီယာတန်ညီနောင် (Richard and Cherry Kearton)
editတိရစ္ဆာန်နန့်ငှက်တိအကြောင်းကို ဝါသနာကြီးစွာနန့်ဦးဦးဖျားဖျား လေ့လာလိုက်စား သူတိတွင် ကီယာတန် နာမည်ဟိရေ ညီအစ်ကိုနှစ်ယောက်မှာ အထူးခြား ဆုံးဖြစ်ရေဟု ဆိုရပေမည်။
အစ်ကိုဖြစ်သူဧ့ နာမည်မှာ ရစ်ချတ်ကီယာတန် ဖြစ်ဧ့။ ၁၈၆၂ ခုနှစ်တွင် အင်္ဂလန်ပြည် ယော့ရှိုင်ယာ နယ်၌ ဖွားမြင်၍၊ ဖခင်မှာ မြေပိုင်သျှင် လယ်သမားတစ်ဦး ဖြစ်ရေ။ အရွယ် ရောက်ရေအခါ ငှက်တိကို ဓာတ်ပုံရိုက်ယူ စုဆောင်းရုံမက ငှက်တိအကြောင်းကိုလည်း စာအုပ်တိ ရီးသားထုတ်ဝေခ ရာမှ ထင်ယှား လာခရေ။ ကျောင်းတိသို့ လှည့်လည် လား ရောက်ကာ ငှက်တိအကြောင်း မကြာမကြာ ဟောပြောလေ့ဟိ၍၊ သူဧ့စာအုပ်တိမှာ ဂုတိုင် ထင်ယှားလျက် ဟိလီရေ။ တိရစ္ဆာန်ရို့အနက် ငှက်တိတွင် ပိုပနာစိတ်ဝင်စားရေ။ ငှက် တိအကြောင်းကိုသာ အသက်ထက်ဆုံး အာရုံစူးစိုက်ပနာ လေ့လာခပြီးနောက် ၁၉၂၈ ခုနှစ်တွင် ကွယ်လွန်လီရေ။ ညီဖြစ်သူ ချယ်ရီကီယာတန်ရေ ၁၈၇၁ ခုနှစ်တွင် ဖွားမြင် ရေ။ အစ်ကိုဖြစ်သူနန့် ဝါသနာအထုံချင်း တူညီသည့် အလျောက် ညီအစ်ကိုနှစ်ဦးရေ အမြဲတစေ တွဲဖက်ပနာ တိရစ္ဆာန်နန့် ငှက်တိအကြောင်းကို ယှာဖွီ လေ့လာခကတ်ရေ။ ထူးခြားချက်တစ်ခုမှာ အစ်ကိုကဲ့သို့ ဗြိတိန်နိုင်ငံဟိ တိရစ္ဆာန်တိ ဖြင့်သာ ရောင့်ရဲ တင်းတိမ်ပနာမနေဘဲ၊ သားရိုင်းတိရစ္ဆာန်တိ ပေါတိသည့် အာဖရိကတိုက်သို့ပင် လားရောက်ပြီးကေ တော တိရစ္ဆာန်အသီးသီးဧ့ သဘာဝတိကို ရုပ်သျှင်ရိုက်ကူးခရေ။ ယင့်ချင့်ကြောင့် အစ်ကိုထက်ပင် ထင်ယှားကျော် ကြားခလီရေ။ လူအပေါင်းအား သဘာဝကို နှစ်သက်ခင်တွယ်ပနာစိတ်ဝင် စားလာအောင် ပြောနိုင်၊ ပြုနိုင်သူတိတွင် ထိုညီအစ်ကို နှစ် ယောက်ကို မှီသူရှားလီရေ။ တိရစ္ဆာန်တိ ငှက်တိအကြောင်း နန့်စပ်လျဉ်းပနာအဆိုပါ ညီအစ်ကိုနှစ်ယောက် ရီးသားခရေ စာအုပ်စာတမ်းတိနန့် ရိုက်ကူးခရေ ဓာတ်ပုံတိမှာ အတိ ပင်ဟိရာ၊ ယင်းတု့ိတွင် မှတ်သားဖွယ် ကိုယ်တွိ့ဗဟုသုတနန့် အရီးထိတ်စရာ စွန့်စားခန်းတိဖြင့် ပြည့်နှက် နေလီရေ။ [1]
ကိုးကား
edit- ↑ မြန်မာ့စွယ်စုံကျမ်း၊ အတွဲ(၁)