Wp/rki/ကိုယ်ဝန်ဆောင်မိခင် ကျန်းမာရီး

< Wp‎ | rki
Wp > rki > ကိုယ်ဝန်ဆောင်မိခင် ကျန်းမာရီး

ကိုယ်ဝန်ဟိလာပါကေ မိခင်ဘေး အန္ကရာယ် ကင်းရန် မွေးလာရေ အချေ လည်း ကျန်းမာဖို့ ကိုယ်ဝန်ဆောင်နီတုန်းမှာ၊ မွေးဖွားနီတုန်းမှာ၊ မီးတွင်းမှာ အရီးတကြီးလုပ်စရာတိဟိရေ။ ကိုယ်ဝန်အပ်ခြင်း ( ဗိုက်အပ်ခြင်း ) ရေ ထိုအရီးတကြီးလုပ်စရာတိထဲက တစ်ခုဖြစ်ရေ။

ကိုယ်ဝန်ဟိပါ က ဆရာဝန် ဖြင့် စောစောပြရန်

edit

ကိုယ်ဝန်ဟိနီရေ လို့သိသိခြင်း အစောဆုံးစောင့်ရှောက်မှုကိုခံယူသင့်ရေ။

ဆရာဝန်ဧရက်ချိန်းတိမှန်⁠မှန်လားရန်

edit

ကိုယ်ဝန်ဆောင်မိခင်တစ်ယောက်ရေ ကိုယ်ဝန် စောင့်ရှောက်မှု ကို အနည်းဆုံး (၄) ကြိမ်ရသင့်ရေ။

  • ပထမအကြိမ် - ကိုယ်ဝန် (၄) လမတိုင်မှီ
  • ဒုတိယအကြိမ် - (၆-၇) လကိုယ်ဝန်
  • တတိယအကြိမ် - (၈) လကိုယ်ဝန်
  • စတုတ္ထအကြိမ် - (၉) လကိုယ်ဝန်

အကယ်၍ လိုအပ်ရေတိဟိလာကေမူ ကိုယ်ဝန် စောင့်ရှောက်ပီးသူရဲ့ ညွှန်ကြားချက်အတိုင်း လိုက်နာရပါမယ်။

ကိုယ်ဝန် စောင့်ရှောက်မှု ကို ဇာသူ့ဆီကယူသင့်သလဲ

edit

လုံခြုံစိတ်ချရရေ မိခင်ဘဝရဟိစေရီးအတွက် စနစ်တကျ စောင့်ရှောက်မှု ပီးနိုင်ရေ ဆရာဝန်၊ သူနာပြု နန့် သားဖွားဆရာမတိနန့် ကိုယ်ဝန်ကိုအပ်ပြီး စောင့်ရှောက်မှု ခံယူသင့်ရေ။

ကိုယ်ဝန်ဆောင် စောင့်ရှောက်မှု မှာ ဘာတိလုပ်ပီးနီပါသလဲ

edit

မိခင်ဧရောဂါရာဇဝင်၊ မွေးဖွားမှုနန့်ဆိုင်ရေရာဇဝင်ယူပြီး ပြည့်ပြည့်စုံစုံ မှတ်တမ်းတင်ထားရေ။ ဒီမှတ်တမ်းက ကိုယ်ဝန်ဆောင်နီစဉ်ကာလတလျှောက်လုံး နဲ့ မီးဖွားရေအချိန်မှာလိုအပ်ရေ စောင့်ရှောက်မှုတိအတွက် အထောက်အကူပြုနိုင်ရေ။

  • အထွေထွေစမ်းသပ်စစ်ဆေးခြင်း နန့် ဗိုက်စမ်းသပ်ခြင်းတိပြုလုပ်ပီးခြင်း
  • ဆီးချိုကိုယ်ဝန်ဆိတ်တက်နိုင်ရေအခြီအနီတိ ဟိ၊ မဟိ သိဟိနိုင် ရန် ဆီးစစ်ရပါမည်။ သို့မှ လိုအပ်သလို ဆက်လက်စစ်ဆေးခြင်း ကုသခြင်းတိပြုလုပ် နိုင်မည်ဖြစ်ရေ။
  • ကာလသားရောဂါစစ်ဆေးခြင်း

ကာလသားရောဂါ ဟိ မဟိ စစ်ဆေးရန် အရီးကြီးရေ။ အဘယ့်ကြောင့်ဆိုကေ၊ ရောဂါဟိခပါက မိခင်မှတဆင့် ဗိုက်ထဲမှအချေအား ကူးစက်နိုင်ပါရေကြောင့် မိမိခင်ပွန်းနန့်အတူတူ ဆေးကုသမှူ စောစောခံယူထားပါက အချေကိုရောဂါမကူးအောင် ကြိုတင်ကာကွယ်ရာရောက်ရေ။

  • HIV ပိုးစစ်ဆေးခြင်း

ဆွေးနွေးတိုင်ပင်ပြီး HIV ပိုး ဟိ၊ မဟိ စစ်ဆေးခံယူနိုင်ရေ။ ပိုးဟိခပါက မိခင်မှတဆင့်အချေကို မကူးအောင် ကြို တင်ကာကွယ်နိုင်ရေနည်းလမ်းတိဟိရေ။

  • သွေးအားနည်းရောဂါ ဟိ၊ မဟိ စစ်ဆေးကုသဖို့လည်းလိုအပ်ရေ။
  • သံဓာတ်ပါရေအားဆေးတိ တိုက်ကျွေးသင့်ရေ။
  • မေးခိုင်ကာကွယ်ဆေး (၂) ကြိမ်ထိုးရပါမည်။ သို့မှသာ မိခင်ရောအချေပါ မေးခိုင်ရောဂါ မှကာကွယ်ပြီးသားဖြစ်မည်။
  • မွေးဖွားရေအခါမှာ မိခင်ရောအချေပါ ကျန်းမာဖို့အတွက် ကိုယ်ဝန်ဆောင်နဲ့ပတ်သက်ရေ ကျန်းမာရီး ဗဟုသုတတိ ကြိုတင်ပြင်ဆင်စရာတိကို ပညာသျှင်တိနန့် ဆွေးနွေးသင့်ရေ။

ဆောင်စရာ၊ ရှောင်စရာတိ

edit
  • တစ်ကိုယ် ရေသန့်သျှင်းရီး ကိုဂရုစိုက်ရမည်။
  • အာဟာရ ဖြစ်စေမည့် အစားအစာတိစားသုံးပီးရမည်။
  • လုံလောက်အောင် အိပ်စက်အနားယူရမည်။
  • မျှတရေ ကိုယ်လက်လှုပ်ရှားမှု လုပ်ရမည်။
  • မွေးဖွားရန်အတွက် ကြိုတင်ပြင်ဆင်ထားရမည်။
  • ပင်ပန်းရေ အလုပ်တိရှောင်ရမည်။
  • ဆေးလိပ်၊ အရက် ရှောင်ရမည်။
  • ဆရာဝန်၊ ဆရာမ ညွှန်ကြားချက်မဟိဘဲ ဆေးမရေက်သင့်ပါ။

ခင်ပွန်း နန့် မိသားစုက ဇာပိုင်ကူညီပီးနိုင်သလဲ

edit

ကိုယ်ဝန်ဆောင်စောင့်ရှောက်မှုခံယူ ရန်လားရေအခါ အတူလိုက်ပါပီး နိုင်ပြီး၊ အိမ်တာဝန်အပါအဝင် လိုအပ်ရေတိကို ကူညီပီးရပါမည်။ မွေးဖွား ရန် နန့် အခြီအနီတိအတွက် အတူတူပြင်ဆင်ကတ်ရပါမည်။ ဥပမာ အားဖြင့် ငွေကြို စုထားခြင်း၊ အရီးပေါ်ဗိုက်နာပါက ဆေးရုံချက်ချင်းလားနိုင်ရန် လိုအပ်သည့် ပစ္စည်းတိ၊ လားလာရီး စရေရို့ကို ကြိုတင်ပြင်ဆင်ထားဟိခြင်း ရို့ဖြစ်ရေ။

ရပ်ရွာဝန်းကျင်ဧအခန်းကဏ္ဍ

edit

မိခင်နန့် မွေးလာမည့်အချေဧကျန်းမာရီးမှာ ရပ်ရွာဧဖွံ့ဖြိုးတိုးတက်ရီးအတွက်လည်း အရီးကြီးရေကြောင့်

  • ဆေးရုံ ဆေးခန်းလားလာရီး ချောမွေ့လွယ်ကူစေရန် ကူညီပီးခြင်း။
  • ငွေကြေးအကူအညီ ထောက်ပံ့နိုင်ခြင်း။
  • အရီးပေါ်သွေးလိုအပ်ပါက ရပ်ရွာထဲမှသွေးအလှူ သျှင်တိမှ လှူ ပီးနိုင်ခြင်း။
  • အန္တရာယ်ဖြစ်စေနိုင်ရေ အယူလွဲတိ၊ အပြုအမူမှားတိကို ဝိုင်းဝန်းဖယ်ရှားပီးခြင်း ဖြင့်ကူညီနိုင်ရေ။

ကိုယ်ဝန်ဆောင်ချိန်မှာ အောက်ပါလက္ခဏာတိ ဖြစ်ပေါ်လာပါက နည်းစပ်ရာဆေးရုံ ဆေးခန်းကို အမြန် လားရန်လိုရေ။

edit
  • သွေးဆင်းကေ
  • ရေဆင်းကေ
  • မခံမရပ်နိုင်အောင် ဗိုက်ဆက်တိုက်နာကေ
  • ဝမ်းဗိုက်၊ လက် နန့် မျက်နှာတိ ဖောရောင်နီကေ
  • ခေါင်းအလွန်ကိုက်ကေ
  • မျက်စိပြာ၊ အလွန်အော့အန်နီကေ
  • ဖျားကေ
  • အချေအလှုပ်နည်းကေ

[1]

ကိုးကား

edit

  1. Homepage | Marie Stopes International