ကာဠုဒါယီထေရ်ရေ ဂေါတမမြတ်စွာဖရား အလောင်း သိဒ္ဓတ္ထဇာတ်လိုက်နန့် တစ်ပြိုင်တဲး ဖွားသော ဖွားဖက်တော်တစ်ဦးဖြစ်ရေ။ သူငယ်ဖော် ကစားဖက်အဖြစ် ကြီးပြင်းခရာ၊ သိဒ္ဓတ္ထဇာတ်လိုက်ဧ့ ဖခင်သုဒ္ဓေါဒနမင်းကြီးရေ ကာဠုဒါယီအား အမာ့ခ်ျအဖြစ် ခန့်အပ်မြှောက်စားရေ။ သိဒ္ဓတ္ထမင်းသားရေ ဖရားဖြစ်တော်မူပြီးပြီးကေ ရာဇဂြိုဟ်ပြည် ဝေဠုဝန်ကျောင်း၌ သီတင်းသုံးနေတော်မူရေအခါ၊ ခမည်း တော် သုဒ္ဓေါဒနမင်းကြီးရေ မြတ်စွာဖရားကို ဖူးတွိ့လို အနိန်နန့် ကြွလာတော်မူရန် အမာ့ခ်ျတိကို အခေါက်ခေါက် လွှတ်ပြီးကေ ပင့်စီရေ။ အပင့်လွှတ်သော အမာ့ခ်ျရို့လည်း မြတ်စွာဖရား ထံသို့ ရောက်ကေ အခြွီအရံတိနန့်အတူ အကျွတ်တရားရပြီးကေ ရဟန္တာဖြိုက်ကေုန်ကြအနိန်နန့် ခမည်းတော်ဧ့စကားကို မလျှောက် ထားမိဘဲ ဟိကတ်ရေ။
သုဒ္ဓေါဒနမင်းကြီးလည်း မည်ရေသတင်းစကားမျှ မကြား သိရအနိန်နန့် စိတ်မချမ်းမသာဖြစ်ပနာ နောက်ဆုံးတွင် ကာဠု ဒါယီ အမာ့ခ်ျကို ခေါ်ပြီးကေ အခြွီအရံတစ်ထောင်နန့် စေလွှတ်ပြန် ရေ။
မြတ်စွာဖရားထံသို့ ရောက်ကေပင် ကာဠုဒါယီအမာ့ခ်ျနန့် အခြွီအရံများရေ ရဟန္တာဖြိုက်ကေြပြန်ရေ။ ယေကေလဲ ခမည်း တော် မှာကြားလိုက်စော်ကို မမိန့်လျော့ဘဲ ၆ဝ မျှသော ဂါထာ ရို့နန့် ကပိလဝတ် နေပြည်တော်သို့ ပြန်လည် ကြွရောက်ဖို့ လျှောက်ထားလီရေ။ ထိုဂါထာခြောက်ဆယ် လျှောက်ထား ချက်များကား၊ မြတ်စွာဖရားဧ့ စိတ်သဘောတော် ကြည်နူး ညွတ်ပျောင်းအောင် တပေါင်းရာသီဧ့ ရေမြီ တောတောင် ဩကာသလောက သာယာဟန်ကို အဖန်ဖန်ချီးကျူးကာ ပင့် ဆောင်သောစကားများ ပါဝင်အနိန်နန့် ကကောင်း သာယာနာ ပျော်ဖွယ်ဟိလီရေ။ ယင်းခါမှ မြတ်စွာဖရားရေ ရာဇဂြိုဟ် ပြည်မှ ယူဇနာ ၆ဝ ကွာသော ကပိလဝတ်ပြည်သို့ ကြွရောက်ပြီးကေ သာကီဝင်မင်းတိအား တရားဟောကြားတော်မူရေ။ ကာဠုဒါယီထေရ်ရေ ဒါယကာရို့ဧ့စိတ်ကို သဒ္ဓါကြည် လင် ဖြိုက်စီနိုင်သော ဖရားတပည့်သားရို့တွင် ထူးချွန် မြင့်မြတ်ဆုံးသော ပုဂ္ဂိုလ်အဖြစ် ကုလပ္ပသာဒကဧတဒဂ် ဘွဲ့ရလီရေ။
ကိုးကား
edit- ↑ ဗမာ့စွယ်စုံကျမ်း၊ အတွဲ(၁)