Wp/rki/ကမာကူရ ဗုဒ္ဓရုပ်ပွားတော်

< Wp‎ | rki
Wp > rki > ကမာကူရ ဗုဒ္ဓရုပ်ပွားတော်

ကမာကူရ ဗုဒ္ဓရုပ်ပွားတော်(ကိုးတိုကုအိန် (高徳院?){{#ifeq:|) ရေ ဂျပန်နိုင်ငံ၊ ကမာကူရမြို့၌ တည်ဟိပြီးကေ၊ ဂျပန် ရောက်သူတိုင်း လားဖူးရေ ဗုဒ္ဓ ရုပ်ပွားတော် ဖြစ်ရေ။ ကမာကူရမြို့ရေ ကျေးလက်မြို့ ဖြစ်ကေလည်း အလွန် ဖွံ့ဖြိုးပြီးကေ၊ တိုက်တာတိ ခေတ်မီလှပကာ ပေ ၂၀ အကျယ်သာ ဟိရေ လမ်းတိက ညီညာ ပြန့်ပြူးပနာ သန့်ရှင်းရေ။ အများဆုံး ၁၀ ပေခန့်သာ ဟိရေ ပလက်ဖောင်းတိကို ကျောက်ပြား စစီရရီ ခင်းထားပနာ သပ်ရပ်ရေ။ ယင်း ကမာကူရမြို့သို့ တိုကျိုမှ ရထားစီးရပြီးကေ၊ ဘူတာရုံမှ ဘုရားကြီးသို့ လမ်းလျှောက်ပါက နာရီဝက်၊ ဘတ်စ် စီးပါက ၁၀ မိနစ် ကြာရေ။

ကမာကူရ ဗုဒ္ဓရုပ်ပွားတော်

ဘုရားသမိုင်း edit

ခရစ်သက္ကရာဇ် ၁၂၄၃ မှာ သစ်သားနန့်စတင် ထုဆစ်ကိုးကွယ်ရေ ကမာကူရဘုရားကြီးရေ ၁၂၄၈ မှာ လေမုန်တိုင်းကြောင့် တန်ဆောင်းတော်နန့် ရုပ်ပွားတော် ပျက်စီးလားပနာ ၁၂၅၂ မှာ ယခု ကြေးသွန်း ဗုဒ္ဓရုပ်ပွားတော်ကြီးကို တည်ထား ကိုးကွယ်ရာ၊ ၁၂၁ တန် (ပေါင် ၂,၇၄,၄၂၈) [1]လေးရေ။ အမြင့် ၁၃.၃၅ မီတာ (၄၃.၈ ပေ)၊ မျက်နှာတော် အရှည် ၂.၃၅ မီတာ (၇.၇ ပေ)၊ မျက်စိတော် အရှည် ၁ မီတာ၊ ပါးစပ်တော်အရှည် ဝ.၈၂ မီတာ (၂.၇ ပေ)၊ နားရွက်တော်အရှည် ၁.၉ မီတာ (၆.၂ ပေ)၊ ဒူးနှစ်ဖက်ထိပ် ၉.၁ မီတာ (၂၉.၉ ပေ)၊ လက်မတော် လုံးပတ် ဝ.၈၅ မီတာ (၂.၈ ပေ) ဟိရေ။

ကြေးကိုသွန်းရေ ဤဆင်းတုတော်ကြီးကို ရုပ်တုဆရာ အိုနိုဂိုရိုအေမှန်နန့် ထန်ဂျီဟိစမိုရို့က အမျိုးသမီး ဣဓနိုနိက္ခုနေနန့် ရဟန်းတော် ဂျီကိုရို့ဧ စေခိုင်းချက်အရ သွန်းလုပ်ရေ။ ဆရာတော်ရေ ရုပ်တုတော်ကြီး သွန်းလုပ်ရန် မူလကြံစည်သူဖြစ်ရေပြင် အထက်မှ အမိုးကာရန် တန်ဆောင်းဆောက်ခြင်းနန့် လူအများ ကုသိုလ်ပါဝင်ရန် အလှူငွေ ကောက်ခံခြင်းကို ပြုခရေ။ ခရစ်နှစ်-၁၄၉၅ ဒီလှိုင်းကြီးရေအဟုန်နန့်တန်ဆောင်းကြီး ပျက်စီးမျောပါလားကေလည်း ပလ္လင်ပေါ်၌ ကျန်ရစ်ရေ ရုပ်ပွားတော်ကြီး ထိခိုက်ဒဏ်ရာ လုံးဝမဟိပါ။

ခရစ်နှစ် ၁၉၂၃ စက်တင်ဘာလမှာ ငလျင်ကြီး လှုပ်စဉ်က ပလ္လင်တော် တစ်စိတ်တစ်ပိုင်း ပျက်စီးကေလည်း ကိုယ်တော်၌ တစ်စုံတစ်ရာ ပျက်စီးခြင်း မဟိပါ။ ပလ္လင်ပျက်ကို ခရစ်နှစ် ၁၉၂၆မှာ ပြင်ဆင်ရေ။

ရာသီဥတုဒဏ် ကာကွယ်နိုင်ရန် တန်ဆောင်ကြီးကိုလည်း ဆောက်လုပ်ခကေလည်း၊ ၁၃၃၄ မှာ မုန်တိုင်းဒဏ်ကြောင့် တန်ဆောင်းကြီး မြေခပြန်ရာ၊ ဗုဒ္ဓဘာသာဝင်တိ အားမလျှော့ဘဲ အသစ် ပြန်ဆောက်လှူရေ။ ၁၃၆၉ မှာ လေမုန်တိုင်းဒဏ်ကြောင့်ပင် ထပ် ပြိုပျက်ရာ၊ ဂျပန်ပြည်သူတိ ထပ်မံ ဆောက်လုပ် လှူဒါန်းကြပြန်ရေ။ ၁၄၉၈ မှာ ငလျင်နန့် ဆူနာမီကြောင့် တန်ဆောင်းကြီး ပျက်စီးကေ၊ ကြေးသွန်းရုပ်ပွားတော်ကြီးရေ ယနေ့အထိ လေဟာပြင်၌ ထီးထီး တည်ကျန်ရစ်တော့ရေ။

ခရစ်နှစ် ၁၉၆၀-၆၁၌ ပြင်ဆင်ကတ်ရေအခါ ဥက္ခောင်းတော်ကြီး အလီးကို ခံနိုင်ရန် လည်တိုင်တော်ကို တိစွာ ခိုင်မာစေခြင်း နန့် ငလျင်လှုပ်ချိန်ဝယ် ပလ္လင်တော် ပေါ်၌ ကိုယ်လုံးတော်ရေ တဖဲ့ချေ လှုပ်ခွင့်ရပါမှ ဆောင်းဒဏ်ကို ခံနိုင်ဖို့ ဖြစ်ပနာ ယင်းသို့ လှုပ်နိုင်အောင် စီမံခြင်းရို့ ပြုလုပ်ထားရေ။

ထူးခြားချက် edit

ဝိပဿနာ ကမ္မဋ္ဌာန်း ဈာန်ဝင်စားနီရေ ပုံစံ ကမာကူရ ရုပ်ပွားတော်ဧ ထူးခြားချက်မှာ မြန်မာနိုင်ငံမှ ကမ္မဋ္ဌာန်းယင်းင်ရုပ်ပွားတော်တိပိုင်လက်ဖဝါး နှစ်ဖက်ကို ထပ်မထားဘဲ လက်ချောင်းတိကို 'ထ'ပုံစံ ကွေးထားပနာ လက်မထိပ်ချင်း ထိထားခြင်း ဖြစ်ရေ။ ဘုရားကြီးရေ ငလျင်ဒဏ်၊ ဆူနာမီဒဏ်တိကို ကြံ့ကြံ့ခံလာရာ၊ ၁၉၂၃ ကန်တိုငလျင်ကြီးမှာ ဘုရားကြီး ပလ္လင်တော် ပျက်စီးပနာ ၁၉၂၅ မှာ ပြန်ပနာ ပြုပြင်ရရေ။

ဘုရားဝင်းအတွင်း ဝင်ရောက်ရန် တဦးလျှင် ယန်း ၃၀၀ ပေးရပနာ ပြည်တွင်း ပြည်ပ ဘုရားဖူးတိ အားလုံး လက်မှတ် ဝယ်ရရေ။ ပြတိုက် ဝင်ရောက်လေ့လာလိုလျှင် ယန်း ၂၀၀ ဖြစ်ပြီးကေ၊ ဘုရားကြီး ပုံတူ ရုပ်ပွားတော်တိ၊ ဓာတ်ပုံတိ၊ ပန်းချီကားတိ ရောင်းချပီးရေ အမှတ်တရ အရောင်းဆိုင်တန်း၌ သုံးလက်မ သတ္တုရုပ်ပွားတော် တဆူကို ယန်း ၁၂၀၀ (မြန်မာငွေ ၁၀,၀၀၀ ကျော်) ဖြစ်ကာ ကိုးကွယ်ပါက ဘေးဥပဒ်ကင်းရေဟု နိုင်ငံခြား ဘုရားဖူးတိုင်းက ယုံကြည်ကတ်ရေ။ မြန်မာနိုင်ငံမှာ ရွှေတိဂုံစေတီတော်မဟာမြတ်မုနိဘုရားကြီးပုဂံယဉ်ကျေးမှုနယ်မြေ စရေ နီရာတဖဲ့ချေ၌သာ ဝင်ကြေး ကောက်ခံပြီးကေ ပြည်တွင်း ဘုရားဖူးတိ အခမဲ့ ဖူးမြော်နိုင်ကေလည်း ဂျပန်နိုင်ငံမှာ ကမာကူရ၊ နာရာ၊ အူဟိကု စရေ ဗုဒ္ဓဘာသာ ဆိုင်ရာ ရုပ်ပွားတော်တိ၊ ဂျပန်ရိုးရာ ဘာသာရေး ကျောင်းတော်တိ၊ ပြတိုက်တိ၊ အပန်းဖြေစခန်းတိသို့ အခမဲ့ လုံးဝ ဝင်ခွင့် မရဘဲ၊ ပြည်တွင်းပြည်ပ ဘုရားဖူးတိကို ဝင်ကြေးကောက်ခံပြီးကေ နိစဉ် ဘုရားဖူးတိနန့် စည်ကားရေ။[2]

ကိုးကား edit

  1. ကျိုတိုမှ တောင်လေးလုံးသို့ ဆောင်းပါး၊ ညွန့်မောင်(တောင်လေးလုံး)၊ မန္တလေးနိစဉ်၊ ၅-၁၁-၂၀၁၈၊ စာ - ၁၄
  2. ဝင်းထက်။ "ဂျပန်နိုင်ငံဟိ ကြည်ညိုဖွယ်ရာ ကမာကူရ ဗုဒ္ဓရုပ်ပွာ‌းတော်"။