Lwalid Mimun d ameɣnaj arrifi, ilul deg Ayt Sidel ṭaṛf i Naḍuṛ deg 1959. Iɣra di tesḍawit n Fas. Netta tuɣa illa am maṛṛa iwdan n dcar nes : d anitci, ibda ittirar tamja.
Itɣenaj ɣef mamek tteddren, ttekkaren imaziɣen d irrifiyen di tmurt nsen d lbaṭel. Ittεawed xef tamara n yinni ihajren tammurt nsen, i iẓwan ɣar Uṛuba, yin iwyen tiṛumiyin am di tizlit dwel d a mmi inu. Ittwasen di Arrif am wenni iyifen maṛṛa imeɣnajen n Arrif. D netta i igin manzi tamedyazt n Arrif tettwasen deg umaḍal ikmel, timura n Tamazɣa am Lžayer. Adisk nnes amezwaru isema t Ajjaj, iffeɣ d deg iseggwasen n 1980, di Lmeɣrib tuɣa ittwadres (leḥkam ur t itijji ad immenz).
Idisken nes edit
- Ajjaj (1980)
- Ametluε (1986)
- Tayyut (Taggut) (1997)
Izlan nes edit
Tizlit umi qarn "neccin ssa": edit
ah neccin ssa ! ah neccin ssa
lalla tammurt a nneɣ, nssudum akal nnem
ad nssu cjjur nnem s tidi nnɣ
ad nkerz timura, ad nbeḥḥar tibeḥḥar
ad cem nṣun, ad cem nḥḍa, s min ɣarneɣ d tizemmar
Ad neḍreq i yedbarn, deg ujenna nnem d azegza
wenni i cem icarhen, min yestahedj ad t iẓaṛ
Abrid a waxxa yeẓẓu, yeẓẓu s rḥarrac
ad neggur, ad neggur ar ɣar ad naf tinnewac
yurat & iɣenjit Lwalid Mimun
Tizlit umi qarn "bu yidunan": edit
bu yidunan, bu yidunan, la babak, la yemmak
bu yidunan, bu yidunan, la umak, la ultmak
tɣemyed di tzegurt, xf ak adfel d wunẓaṛ
tcarhed tudert, ul nnek iƐammer
Ṭṭram di tmurt, lmunkar yemɣar
Tisendect tḥart xf ak am ufiɣar
Bu yidunan a bu yidunan, ameṭṭa nnk d nwac
ɣa ad teksed iɣebnan, Ṭṭram ad ibarc
ad tnewwar cejjart, ad yesrewrew wedrar
ɣa ad tḍuw tedbart, zi leqfez ad tugur
yurat & iɣenjit Lwalid Mimun
Tizlit umi qarn "idurar n Arrif": edit
Idurar n Arrif i dihan ibedden
Idurar n ssif i dihan isedden
Iḍennaṭ tuɣa din ca n yiwdan qedden
Maca ass a aqqa din ca imeḍran hedmen
Imeḍran n tmaddiwin di tqicciwin ɣemyen
Maca aqqa ɣemyen din, xf ca n targazt cehden
Targazt n εabdekrim, targazt n irifiyen
xzart ɣer idurar in, xzart a imezzianen!
ass a yeqqim din ratar n wairaden
ratar n εabdekrim d ratar n yimjahden
yurat & iɣenjit Lwalid Mimun
War tefhimem man yurin deg imagraden ? Ṛaḥet ɣar Tasna : Amawal, ad din tafem tasuqelt s Tinglizt d tfransist n wawalen illan deg Wikipedia s Tarifit.