Wp/rej/Libad

Libad yoba benatang de sebelum jijei libad si jijei ketadew kileah. Benatang yo aet tekleah mibar nak sekitar bungi. Ade kulo libad de behacun serbuk de asalne kah awakne ho.

Gamar libad gidong ingep nak das bungi.

Secaro de mudeahe, libad yo coa samo geh ngengat de bejolog libad kelmen bedasar waktew aktipne geh ules awakne. Libad umumne aktip nak wakte kakbilei (diurnal), sedangkan ngengat aet aktip pas waktew kelmen (nocturnal). Libad midep litakne pakea ingep samo si temgap sayepne, ngengat ingep mbetang sayepne. Libad biasone bewarne alep geh mecelik, ngengat umumne gelep, kusam atawho kelamus. Pukba cek ho, de penyeple ho pastiba ade pengacawaline, makone secaro ilmieah coa nam jenijei pedoman de pasti.

Libad dan ngengat dew mecemne, naki Pulea Jawei geh Pulea Balei baye bi cenatet ade lebeah kah 600 spisies libad. Jenis ngengatne sapea uyo ati perneah eneh deptar lekepne, tapi aseine behotos jenisne. Libat temasuk seranga de coa mbahayo bagei tun.

Prenalei luweh

• (Inggris) Spisies de blew — Delias Kristianeae: Libad de tengen utuk Kristianti Herawati (ngenyan Susilo Bamang Yudoyono).