Jepang ade ba negrai puleu neak peak datea Asia Timur. Pnan ne neak peak barat laut Bioa Lai Pasifik ngen iding Bioa Jepang neak peak barat. Taneak ne tebetang kundei patoi ne Bioa Okhotsk neak peak utara sapei Bioa Cino Timur, Bioa Filipina, ngen Taiwan neak peak selatan. Jepang termasuk kundei Cicin Opoi Pasifik. Negrai io kulo ade 14.125 puleu gi luas ne ade ba 377.975 kilometer persegi; lemo puleu utamo ade ba Hokkaido, Honshu (puleu gi utamo nien), Shikoku, Kyushu, ngen Okinawa. Ibukota ngen kota gi paling lai ne ade ba Tokyo. Kota lai sesudo Tokyo ade ba Yokohama, Osaka, Nagoya, Sapporo, Fukuoka, Kobe, ngen Tokyo.
Jepang ade ba negrai gi jumlah penduduk ne nomor 11 neak denio, termasuk kulo salah satu gi penduduk ne padea nien. Skitar tlau per pat datea negrai io dau tebo ne, penduduk ne dau tinggea neak datea iding pantai. Jepang tepiseak ijai 47 prefektur ngen delapen wilayah. Neak Jepang kulo ade wilayah metropolitan paling padea neak denio, Greater Tokyo Area (Tokyo Lai), gi penunggau ne lebiak kundei 37,2 juta tun.