Agamo Bahā'i, gen-nê o kundêi baso Parsi (بهائی Bahā'i). Agamo ie timboa taun 1863, sêwaktau Bahā'u'llah mêngumum kalêu awok-nê ade-ba Mahdi dê bi jnanjai bakêa têko. Agamo Bahā'i nêak dênio uyo antaro lêmo sapêi tujusk juta tun. Coa gen nêgara gi mayoritas pênduduk-nê bagamo Bahā'i. Cuman, walau si awêi o, agamo Bahā'i têrmasuk do kundêi kêdau agamo gi tmuan tun bagamo o nêak lêbiak kundêi 200 nêgrai ngen teritori nêak lêmo bênu'a. Nomor duai sêsudo agamo Kristen.
Tuhan-nê Bahā'i edit
Agamo Bahā'i manggêp Tuhan o do bae. Tuhan coa-si srai ngen tun, coa banok coa kulo si o anok kundêi zat luyên. Tuhan lêm agamo Bahā'i noq tun "Allah" (Abha). Kêrno agamo Bahā'i baso religi'us-nê o Arab ngen Parsi, mako-nê ade gi agok mirip ngen Islam, khusus-nê istilah awêi Allah, kitab, ngen lêluyên. Tuhan lêm agamo Bahā'i o Tuhan gi kêmbiak grot, lai coa têkiro, coa gen tun gi nam tmanding-Nê.
Tuhan o kulo coa gen awal ngen akher-nê. Si dê Kuaso o iso smanêi iso kulo slawêi. Akêa peker tun coa sanggup meker ngen mênêmau rêsio-nê Tuhan. Kundêi kecek-nê, dênio libêa nam têjijai. Tuhan-ba mulo jijai-nê.
Konsep Wahyu Coa Pêrnêak Mutus edit
Do hal gi unik kundêi agamo Bahā'i, agamo i'o cayo kalêu ade gi nadêak tun o progressive revelation.[1] Progressive reveation lêm baso Jang nadêak tê "wahyu coa pêrnêak mutus" o unik, spesial-nê tun Bahā'i. Kêrno "wahyu coa pêrnêak mutus" o, Bahā'i cayo amên kutê agamo srai. sêbênêa-nê asal kutê-nê do bae. Asal wahyu e kundêi do Tuhan. Baha'i cayo kulo kalêu Tuhan gi tmu'un wahyu magêa Bahā'u'llah o, Si-Nê-ba Tuhan gi mêlêi wahyu magêa Nêbai Nuh, Ibrahim, Musa, Daud, Isa, ngen Muhammad.
Bahā'i Agamo Damoi edit
Tun Bahā'i coa buliak kmidek agamo luyên, coa buliak kulo mêmuloi ngên tmotoa pêrang atas gen kêlok mbela agamo. Khusus gi coa buliak muloi ngen tmotoa pêrang atas gen agamo o muloi-nê waktau Bahā'u'llah mumum kalêu si o-ba gi jnajai, si o-ba gi mbin dalên gi bênêa nêak Taman Ridvan, Baghdad, Irak.
Pênan Sêmbyang edit
Gen pênan sêmbyang tun dê tmotoa kajêa Bahā'i o ade-ba 'Masrikul Askar (Mashriqu'l-Adhkár). Umum-nê lêm publikasi bêbaso Inggris, Masrikul Askar têkadêak sêbagai Bahā'i Temple. Uyo ade coa kurang kundêi 10 pênan tun Bahā'i sêmbyang.[2] Duai-nê dê titik utuk pênan o bae, dêlapên dê luyên kêbiak lai. Pênan sêmbyang dê lai tun sêmbut-nê kulo mother temple.