Kimsa kuchikukuna nishkaka shuk ñawpak rimaymi kan, chay rimayka ñauwpak pachamantami rimashkami kan, 1800manta yallik rukupachami kan. Chay rimayka Europa allpapachamantami kan, shina kakpika Shukllachishka kapak suyu mamallaktamantacha. Chay ñawpak rimayka shina nishpami nin :
KIMSA KUCHIKUKUNA
Kimsa kuchikukunaka taytamamawanmi kushi kushilla shuk sacha wasipi kawsan karyan. Kay kuchikukunaka ñami hatun karka, chaymantami paykunapak taytamamakunaka nirkami: ña mi muray chayamurka, ñami kikinkunapak wasita rurana kankichik.
Kimsa kuchikukunaka taytamamawanmi kushi kushilla shuk sacha wasipi kawsan karyan. Kay kuchikukunaka ñami hatun karka, chaymantami paykunapak taytamamakunaka nirkami: ña mi muray chayamurka, ñami kikinkunapak wasita rurana kankichik. Kimsa kuchikukunaka taytamamata aywashpa llukshirka, Pacha Mamata riksinkapak rirka.
Shuk niki kuchikuka ashtawan killami karka, chaymantami ukshawanlla paypak wasita rurarka.Paypak wasika shuk chinikipi ñapash rurarirka, chay kipaka puñunkapami rirka.
Ishkay niki kuchikuka mikuysikimi kariyan, kiru wasitami shayachirka. Ñapashmi wasichirka. Chay kipaka amuysankunata mikunkapami rirka.
Kimsa niki kuchikuka, achka llankakmi karka, paypak wasitaka tikawan rumikuwanpash rurarka. Unaypimi wasichirka, shinapash ashtawanmi harkanka nishpa. Tukuy puncha llankashpa, wasika kuyanayaykumi sakirirka. Tutayakukpika, sacha atuk awniykunata uyachita kallarirka. Kay atukka, kimsa kuchikukunapak wasikunaman ñapash kimirirka.Yarkaywan, chay atukka shuk niki wasiman chayarka, chayka nirka:
¡Punkuta paskay! ¡Punkuta paskay! Mana paskakpika ñukaka pukushpa kampa wasita shitashami!
Kuchikuka mana punkuta paskakpika, chay atukka sinchita pukushpa uksha wasita shitarka.Kuchikuka manchaymanta chukchushpa, chaymanta kallparka, paypak wawkipak kiru wasiman yaykurka. Atukka, kuchikuta katirka. Ishkay niki wasi ñawpakpi shayarirka, chaypimi punkuta kayashpa nirka:¡Punkuta paskay! ¡Punkuta paskay! Mana paskakpika ñukaka pukushpa kampa wasita shitashami! Shinapash kay ishkayniki kuchikuka mana punkuta paskarkachu, chaymantami atukka kutin kutin pukurka, kaspi wasika wayrapi rirka mancharishpa ishkay kuchikunaka kallparka, paykunapak wawkipak tika wasiman yaykurka.
Shinapash kay atukka mikunkakpapacha munarka, chaymantaka kutin punkuta kayashpa kaparirka: ¡Punkuta paskay, punkuta paskay!. Mana punkuta paskakpika ñukaka pukushpa kampa wasita shitashami. Chaypimi llankayuk kuchikuka nirka: ¡Kikinka tukuy munashkata pukuylla, shinapash mana ñukaka punkuta paskashachu!
Chaymantaka atukka kitun kutin pukurka. Paypak tukuy sinchiwanmi pukurka shinapash wasika mana kuyurirkachu. Kay wasitaka sinchipachami karka. Chay atukka samay illakmi sakirirka. Atukka shaykushka kashpapash mana sakinkapak munarkachu.
Atukka shuk chakanatami apamurka, kaywan sañu wasiman wiychiyarka chaymantaka kushnihutku ukutami lluchkayta kallarirka. Atukka imapash kachun wasiman yaykunkapak munarka kimsa kuchikukunata ima kashpapash mikunkapak munarka.
Shinapash chay atukka mana yacharkachu, kuchikukunaka kay kushnihutku tukuriykpi shuk timpukuk yakuwan mankata churashkata. Atukka, kushnihutkuta urmashpa timpukuk yakupi ruparka. Payka ninantami kaparirka chaymantaka manahaykapi tikramurkachu.Chay punchamanta kuchikukunaka sumaktami kawsarka. Killasiki kuchikupash, mikuysiki kuchikupash yachakurkami, pakta llamkaywanllami imatapash tarita ushanchik.
Maymanta hapishkachu edit
- tukuy kashna killkashka killkaykuna kichwa.net pankamanta shamunmi, mashi Lucia Rosero Kastilla shimimanta chayta tikrachirkami, karashkamanta paki ninchikmi. Kichwa.net panka kashnami nin : Todo el material educativo de Kichwa.net es gratuito y puede ser distribuido libremente, citando la fuente correspondiente.