Wp/quc/TZIJ RE KIKOTEMAL

< Wp‎ | qucWp > quc > TZIJ RE KIKOTEMAL

JEQB’AL CHAK


Kinya’ ub’ixikal le chak le xinb’ano  pa uwi’ le b’ulb’ux tzij, che le jun je'lik laj tzij, le b’ix rech le imul, ucholajil rikil chuquje’ ucholajil .

Je' wa kab'an che le chak, xa rumal rajawxik kawa qukya' che le kosik.

Kinweyaj le kusik’ij we wuj ri, k’ot b’a b’anom wi k’o kopanij che, karaj ne, ali, ala, chichu, tata on ne ak’al, wa we jun tzib’anik ri, rajawxik chike ekonojel le tijoxelab’ le k’o pa taq le tijob’al re ka’ib ch’ab’al.  Katob’an ta b’a pa le kik’aslemal kraj ne pa le k’ayb’al, pa le chak, pa le nimaq taq et’amanik.

xaq xu wa xinya’ ub’ixik, are  ta b’a le Ajaw kuya’ le ichuq’ab che unimarisaxik le qach’ab’al.


Maltyox


B’IX


ALAJ IMUL


Chatch’opinoq alaj imul

chataqab’a ri tak’ataq axikin

chatija’ ri  q’ayes k’o  pà le k’ulb’at

alaj imul, alaj imul.


Are taq chi’ taq katb’ek

kab’ison kan ri uwachulew

chuquje’ le wanima’

alaj imul, alaj imul.


LE UNE’ LE NUNAN


Le nunan k’o jun une’

utzakom q’eq kinaq pa uwi’ le q’aq

k’o jun che sib’alaj rax cho le ja

chom le jun uno’s kaxajow cho le ja-


kapixon le jun chochi

pa uwi’ le je’l taq k’otzij

nutul le si’ cho le rachoch

Le ne’ sib’alaj katze’nik.


Are’ taq katu’n ri ne’

le nunan kat’uye’ ruk’ le ne’

are taq katane’ le ne’ che le tunik

le nunan kareqaj le ne’.


B’ULB’UX TZIJ


QANAN ULEW


Sib’alaj  kakikot le wanima’

xa rumal ayom qawa, qak’aslemal

le che, le awaj keb’ixon

ruk jun nim laj utzilal.


Qanan Ulew, tyox chawe

che le kyaq’iq, le k’otz’ij, le chikop

ayom le kiwa, le jun kik’aslemal

ma k’ot jun awaj, kanumik.

Are’ ne le uj, quj ch’awik

xa ne k’o le wijal, le yab’ilal,

le saqoril, xa rumal k’uwa’

qariqom le meb’ayil.



JE’L  ALI


Ali je’l katinwilo

k’ot b’anom wi

katinmatzej cho nuk’ux

chuquje’ kintzumaj achi’


k’ot b’a b’anom wi

qariq ta na qib’

cho le Uwach Ulew

xaq je ri’ quj kikotik junam.


Ali kinb’ij chawe

sib’alaj kataqaj chonuwuch

le akayab’al sib’alaj katoj tatik

je’ k’o nab’e tak k’otz’ij.


Are we kak’ulaj we nutzij

le nuk’aslemal kakikotik

xaq je ri’ le kak’aslemal

ma k’ot usachik uwach.