Wp/quc/Qach'ab'al Qab'antajik

< Wp‎ | quc
Wp > quc > Qach'ab'al Qab'antajik

QACH'AB'AL QAB'ANTAJIK

Qach'ab'al k'iche'

Je'lalaj tzij je'lalaj ch'ab'al

Kuk'asuj nuchomanik

Are' kinta jun winaq

Are' kinwil jun winaq

Kb'e' uk'u'x ruk' qatzij

Qas kinki'kotik qas kintze'tzetik

Kinwe'tamaj pixab'  jalan taq no'jib'al

Kech qati't qamam.

Qas kuk'yaq rib' wanima'

Qas kareq'pun nub'aq'wach

Are kinto kech'aw qawinaqil

Ketz'ib'an le winaq, kesik'in le winaq

Pa qaloq'olaj k'iche' ch'ab'al.

Kinb'ij jun utzil chawe

Kinta jun nim toq'ob' chawe

Chattzijon pa qach'ab'al

Chatch'aw pa qach'ab'al

Man katk'ix taj kakoj qatzij

Man kaxe'j ta awib' kakoj qach'ab'al.

Ruk' qanimarisaj qab'antajik

Loq'alaj qab'antajik

Je'lalaj qab'antajik,

Ujk'iche' winaq

Ujmayab' winaq.