Wp/quc/LE ALA RUK' RI UTAT

< Wp‎ | qucWp > quc > LE ALA RUK' RI UTAT

Jun q’ij xewa’laj b’i ri ala ruk’ ri utat, xeb’e pa b’inem, are chi xkiriqa jun sak’aj ajyuq’ pa le raxalaj taq’aj kuk’ ri rawaj.

Chi q'alaj jun jelalaj tinamit jawi' keb'el wi ri rati't umam ri alaj ala.

Sib’alaj xk’ikot ri ala xub’ij che ri utat.

-      Tat chkayij la, le jun nitz’ wakax k’o jun kaq atz’iyaq chi uqul, xuquje’ le jun chom wakax le’, tajin kutij le chaqi’j q’ayes la xa kraj la’ che, tat, tat, e k’o k’i saq uchij, wene’ e ch’uch’uj le kij kqab’an jun qaq’u’ chech xuquje’ k’o jun utz’i’ kotol xe’ le che’ patzapik le ujolom.

Xaq xtze’n ri utat. K’ate k’uri’ xeq’atan chi uwach jun juyub’ jawi’ tajin kkib’an kawex ri winaq. Le ala xuta che le utat.

-      Tat jas che la’ le winaq e epachalik ¿la xa k’o la’ tajin kkik’oto? Chkayij la le jun ak’al xaq tak’al chi uxe’ le che’, xuquje’ t’uyul le jun nan pa le taq’aj,…

Nin chi ri b’e kib’inib’en k’ate xril apanoq jun tinamit, le ala sib’alaj xki’kotik. Xub’ij

-      Tat chkayij la le juj je’lalaj tinamit, e k’o nimaq taq achoch jalajoj taq kiq’ob’al, k’o saqsoj, rax, kaq, kaqkoj, q’an, q’anq’oj sib’alaj jel kkaytajik kwilo in, tat ¿Jachin ruk’ jujb’e wi?

Ri utat  xub’ij che kqasolij ri awati’t amam chi keb’el wi, sib’alaj kinki’kotik chi k’o xa weta’maj pa le b’e, xcha le utat le ala chech. Sib’alaj xeki’kotik xeqaj ub’ik pa le tinamit jawi’ tajin keyeb’ej kuman ri rati’t umam.