Wp/quc/K’amo Qanan Ulew

K’amo qanan Ulew

Chech qatzuqik

Chech qakuyik

we uwach ulew ,sib'alaj nim uwach, nim k'o pa uwi', k'o k'iche'laj, siwan, juyub' taq'aj, cho, palow, li'poqlaj, e'are keya'ow taq ri ka'yib'al.

Kto’ ib’ alaq

Ruk’ ri qatat Jab’

Ruk’ ri qatat Q’ij

Ruk’ ri qatat Kaqiq’

Keb’u’x alaq ichaj, uwach che’

Ixim, kinaq’.

Ronojel q’ij

qaq’ij chi wach alaq

Rumal ri’, ki’ taq jasach

Je’l taq jasach

Kyia’ alaq rech qatzuqik

Rumal ri qaloq’alil chi wach alaq

Are k’u wa’

Nimalaj kqak’amawaj

Ri ya’om alaq chi qech

Ronojel q’ij wa’ q’ij alaq

Xa man kujchoman taj

Ronojel ya’om alaq chi qech,

Ya’om alaq qakunab’al

Rech uto’ik qib’

Chi kiwach ri loq’alaj taq yab’il.

Rumal k’u wa’,

Chi jumul, chi kamul oxmul

Nimalaj k’amo qanan Ulew

Nimalaj k’amo qatat Jab’

Nimalaj k’amo qatat Q’ij

Nimalaj k’amo qatat Kaqiq’.