Pa jun komon kakitzijob’el le winaq k’o jun nimalaj mam sub’alaj nim retamab’al. Kakitzijob’ej chi we jun nim mam ek’i winaq ke opan ruk chec uta’ik nojib’al chusolik rij ri kichomanik on chirilik rij le k’axkolik kariqitaj pataq ki k’aslemal. Rumal wa ek’i winaq kopan choja ke kita’ kinojib’al chech wa we nimalaj mam rumal cher ri pixab’ kuya’ chike qas je kelik sub’alaj nim katob’an wi chikech chuquje chuya’ik ub’e le kichomanik.
K’o ku jun q’ij le ri umam xkichomaj chi man tzij taj le kikib’ij le winaq ke cha’. Rumal wa rajawxik kqa k’ut chikawach chi man tzij taj kecha ketzijonik.
Are taq xel loq le q’ij suba’laj jel kab’an tajik are taq saqirik, le mam t’uyul choch le ja pu uwi jun temo n uxila’. Aretaq xkilb’ej uwach le uwi umam xkib’ij chi kamik wa kiqak’utb’ej chikawach le winaq chi esachinak che le qamam kecha’. Jas k’u uk’utik kqab’ano kecha. Xekayilob’ pataq kixukut are taq xkilo jun at on et ek’o a las taq ral k’atekur’i xkichomaj, ri kaqano kicha’ jun chike, kiqamb’ik jun laj at paqak’ab’, qamuk’em b’ik, k’atekuri kiqataq chech le qamam jas k’o paqak’ab’. We kub’ij chake chi jun ak. K’atek’uri kqata’ chech jas kariqitajik la k’aslik on kaminaq. Are xkichomaj chi we kub’ij chik’aslik xaq xu kiqapitz’ le qaqab le k’in laj at kaminaq chik. We kub’ij chi kaminaq chik. Mam kapitz’ taj le qa q’ab’ rech kiqa kukb’ej re chi man tzij taj ke nim retamanik le qamam.
Xchomataj b’i kumal jas ri kanano kixik’anik xeb’e ruk le kimam. Tat tat kecha che. Jas xib’ano kacha le mam chike. B’ijempela chake jas k’o paqa qab’. Jas kul pa ijolom. K’ateya’ xchaptaj loq jun laj ak iwumal. Tzij je la k echa are chech.
Xane kqaj uj kab’ij la chake jas kariqitajik la kaminaq on k’aslik, b’ijempela chake kecha. Le mam ko xukayej jas la le kib’ano le kacha chike. Maj maj kecha’ chec xuqaj kab’ij la chake jas kariqitajik le ak.
Ay ak’alab’ kacha chikech la le kib’ano man utz taj. Tat ke cha are b’ij la chaqe b’ana la jun toqob’ b’ij la.
Chitampe ak’alab kacha chike pa iqab’ k’o wi ri kiwaj kib’an che le k’in ak.
Le ri’ umam xkikayela’ kib’ mam kakiriq ta chik jas kakib’ano chech le xub’ij le nim laj tat chikech.
K’ateri xuqalajisaj chikiwach chiman utz taj la le kakano chi kakaj kakesaj uk’aixib’al chikawach le winaq. Ma rajawxik taj kiqatij le un b’e kkacha chike.
We kiwaj ix chikamisaje noj we kiwaj chika k’asik pa iqab’ la k’owi.
Kutunik kuya chae le k'ulmatajem.
Jachike kiwaj kib’ano are ri ri rajawxik kiyaub’e. Ronojel ri kiwaj chech ik’aslemal we kiya’ uchuqab utz kub'an chech le k'aslemal chweq kab'j.