piya truwangalan patabang mulaliyaban
na uwaliyabanan i mawmau na raera na milregiyan, kemadru aw kadru lra, adridriya mulaliyaban a drekalr i, kadru ta trau mulalabat dra enay kadri makaami dra enay, ara makiteng lra idru na enay i mulralraud ta kema, aw adridriya mulaliyaban a drekal i, matara tabu ta dra bekalan, kan kalalauk ku kema ta, idru ta tabu na sinuudr dra tu tregtreg dra ta palidring, ta tratruwalray ta rutu i kadru a unan a maidrang kema ta temuwamuwan. miyanger lra, alra maranger mekan dra bekalan dra beras a miyaibalr a miyadrenan kumeda nay? kemadru kan mulaliyaban na raera i muka kadru na pasaraadr, kemirami a adru kan mulaliyaban ta i kadrukadru murimaw. ta drinekalranan i pakupanaan lra, an adri ta driya mulaliyaban i adri ta mataratabu dra bekalan dra beras, mulabat dra enay kadri makaami dra inayan, ara makitenga lra a enay i mutukuwaatis ta.