Wilni (leīt. Vilnius) - Ukamāisesan Leītawas mēstan be tenesses galwasmēstan. Tēt dīgi, Wilnis māteris be regiōnis centran. Wilni ast ēn pusideinādeinan Leītawai, nitāli ezze Guddijai. Pra mēstan tēnka Nerrjas be Wilnis appis.
Istōrija edit
Ōficialai Wilnis pastāi gruntints ēn 1323 m. Ezze staddan mēstan pagaūnja dīwai aūgtwei. Ēn 1569, Wilni wīrta Leītawas-Pōlis ūnijas delīkan. Pa tūls neggi 200 mettans - ēn 1795 m., Mackālija ōkupai šin mēstan ēr 1918 m., kaddan Leītawa pawakēi swajjan niperlānksnan. Adder panzdau mēstan ōkupai Pōlis karris be ēn 1922 m. Wilnis tautā pastāi preidatā prēi Pōlin. Tēt bēi ēr 1939, kaddan Wilni etwartinna si ēn Leītawan. Pa aīnan mettan, Mackālija ōkupai šin mēstan be wissan Leītawan. Panzdau Wilnin ōkupai Mikskātauta, be ēnwangan etkūmps Mackālija. Ēn 1990 m. Leītawa ettekāi swajjan niperlānksnan be Wilni wīrta ēn Leītawas Republīkis galwasmēstan.
Buwīntajai edit
Ēn 2018 m. Wilni turēi 547 328 buw. Pa 2012 m. dātan, 63,2% ast leītawjai, 16,5% pōljai, 12% mackāljai, guddai 3,5% be kitāi ast 4,8%
Drūwis edit
- Katōljai - 65,5%
- Ortōdoksjai - 8,9%
- Kitāi - 2,7%
- Nidruwīntjai/Niengērdau - 22,7%