Wp/prg/Wōblars

< Wp‎ | prgWp > prg > Wōblars

Wōblars – dīrzlas kunstiskas glaūderis per drezzawans zukkans. Imitīja līkutan zukkan, rettais wūdan, krupeīlin pellin be kittan naturālin lāndan stēisan zukkan. Pabilisnā ēit iz ēngliskan wīrdan to wobble - suptwei. Dīnku štīrin na wōblaras pagaūseņu tenesse pōziciōni relatīwai ebteikāntismu undan ast nistabīlin be tensīts wōblars suppa na grāwans.

Wōblars

Wōblarai mazzi būtwei skēndantin anga plūjantin. Per kittans wōblarans karakterīngi ast izēisnas gillisku. Wōblarai, kawīdai nirsta gillu turri debban, ēst uricōntalin štīrin. Wōblarai ēntei prei wīrsawiskwan turri ēst wertikālin štīrin, speciālai wōblarai - slaīderai be pupperai (wīrsawiskwas wōblarai) ni turri štīrins.

Wōblarai mazzi būtwei ainadelīkiskan, anga būtwei zēistan iz dwāi anga tūls skattawai sēitans delīkans. Ukadeznimai est perzūrgautan en dwāi ānkerins - aīnan na wangan be aīnan na wīderan per štīrin. Ainuntkaddan ast perzūrgautan en preskītlin, na kawīdses tārin zukkai reagīja.