Cēlawas pelki (mac. Озёрское болото, miks. Zehlaubruch) - aūktan turbiskan en Natāngai. Sta ast antrā ukadebbaisi pelki en Sirdai Eurōpan be aīnan iz panzdaumans debbans turbiskans. Pelkis plattisku ast zūrgi 23 km². Lanza 8 km en zeimāwakarans ezze Frīdlandu.
Teikātan druwīminai pirzdau 10-8 tūsimtans mettan. Tūls nikāi 40 undas areālai turri plattiskwan 8 ha. Turbiskan aūga na aūktan 8.6 m kīrsa gruntan, kawīds ast 30 m k.j.k be aīnat aūga. Etundīntan en galwasmu delīkan pra appin Prīskingi en Aīstinmarin, pra appin Gillija en Prēigaran.
En mettans 1910-1945 bēi stwen dabbas rezerwāts. Pa kareūsnan ni bēi tālis rezerwāts, adder poligōns. En 1979 mettan na listin stēisan pelkin palīkitan per sargāsnan en Sōwetiskai Uniōnin. Šandēinan sargāsnas statuss ast nieīsku.
En 1994 mettan ārditan pra ugnin, segītan pra artilarīskans pratīnsenins. En 1998 pelki lāilinusi ezze ekspediciōnei stesse Калининградгеофизика (Kunnegsgarbas geōfizīki), pastāi lamtan en tūlin deiktammans. En 2002 mettan etkūmps ārditan pra ugnin. Pelki ast trintan pra melioraciōnin prei tenesses zēimiskan arāikan.