Ne Wikipediaj se kan mutepewa miak tajkwilul pal tiwelit timumachtiat tay tiknekit. Ne Wikipedia ken se enciclopediaj, yajika itukay "Wikipediaj": wikij- + (enciclo)-pediaj. Weli muita tik se computadoraj su kipia internet.
|
Melka tesu se amat ken katka ne ajamat, muchi ne tajtajkwilul ipal ne Wikipediaj kan ne muijkwilua muchi, tejemet tiknutzat "ijiswat". Muchi ne ijiswat kipiat ijilpika, wan ijkiuni muchi ne ijiswat mupiktiwit ne se iwan ne seuk wan tiwelit tiktemuat muchi tay tiknekit tikajsit pal timumachtiat. Te timunekit titashtawiat pal tikitat ne Wikipediaj; muchi welit kitat su kipiat se computadoraj wan su kipia internet. Ne Wikipediaj nemi tapujtuk ipal muchi, tesu semaya pal tikitat, nusan pal titajkwiluat ijtik yaja. Muchi ká kinekit welit kipalewiat kijkwiluat ini amat. Yajika, ne Wikipediaj tesu kichiwa sesan sute miak.
Nemit wijwikipediaj tik sujsul miak taketzalis. Ne achtu wikipediaj muchijki tik Ingles wan pejki tik ne shiwit 2001. Ume takat intukay Jimmy Wales wan Larry Sanger pejket kichiwat. Ashan, ne Wikipediaj ne enciclopediaj mas wey ipal muchi ne muajsit tik internet. Sema tik ne Wikipediaj tik Ingles nemit mas que tres millones ipal tajtajkwilul. Nemita wijwikipediaj iwan miak tajtajkwilul tik achka sentzunti taketzalis, wan nusan miak mas chijchikitik wikipediaj tik uksejse taketzalis. Ne Wikipediaj tik Nawat pejki ken se taejekulis tik ne Metzti 8 ipal 2010.
 |