Wp/ppl/Tsiquantum

Tsiquantum

Tsiquantum

Tsiquantum nesik tik Plymouth tik Massachusets se takutun ipal Estados Unidos tik ne shiwit se shikipil makwil tzunti nawi pual (1580). Yaja kishmatit itukey Squanto katka.

Yaja se tapalewiani pal ne ejejkunimet ipal Mayflower ka ejkut katka Estados Unidos katka; wan taketzani inpal tik ne techan Pokanoket wan ne ejekunimet pal Mayflower katka.

Ne itunal ichtaka

Yaja se takat Patuxet pal ne techan Wamapanoag pal ne italyu Ninnimissinuok.

Tik ne shiwit se shikipil chikwasen tzunti majtakti nawi (1641) se tawikani itukey Thomas Hunt kishijshikua katka se pual tuijikniwan pal ne techan Patuxet iwan Tsiquantum wan kiwikaket katka España.

Tesu tikmatit sujsul pal ne tunal pal Tsiquantum keman yaja yultuk katka tik España.

Yaja yajki ka Inglaterra wan mukwepa ka Massachusets katka. Muchi itechan inmiki katka wan yaja yajki inwan ne techan ka Pokanoket iwan ne tatuktiani Massasoit.

Tay kichiwa?

Tsiquantum iwan piltzín Inglaterrachanej.

Ne achtu munamikit katka iwan ne techan Pokanoket wan ne techan Plymouth.

Ne techan Pokanoket yajket ka techan ejekunimet pal Mayflower, itukey Plymouth, tik se tunal kashtul se pal ne metzti yey tik ne shiwit se shikipil chikwasen tzunti se pual se (1621). Yejemet yajket senpa tik se tunal kashtul ume pal ne metzti yey tik ne shiwit se shikipil chikwasen tzunti se pual se (1621). Tsiquantum yajki iwan itechan ne uksenpa tik se tunal se pual ume pal ne metzti yey tik ne shiwit se shikipil chikwasen tzunti se pual se (1621). Yaja taketza katka Natick wan Ingles. Yaja kipalewia katka ka ne ume techan pewat taketzat katka wan kikuat katka indajdatka.

Ne Achtu Dia de Acción de Gracias- Jean Louis Gerome Ferris

Tsiquantum kichiwki ichaku William Bradford, ne tatuktiani inpal ne ejekunimet. Tsiquantum kimachtia katka ne ejekunimet ken yujyultiwit katka tik Estados Unidos. Keman ne ume shupan walajket inpal ne ejekunimet, yejemet yujyultiwit katka. Ne ejekunimet nemit yulpajpakit katka ka kinutzat Tsuqiuantum wan itechan inpal se lilish inwan yejemet. Ne lilish itukey an Dia de Accion de Gracias tik Estados Unidos.

Tsiquantum sujsul kipalewia katka ne ejekunimet taketzat katka iwan miak tejtechan tik Massachusetts. Miak tuijikniwan wan ejekunimet tesu kigustujt. Nemituya katka miak tasumalis wan miak tuikikniwan wan ejekunimet nemit kwalanit katka iwan Tsiquantum. Yaja muchijchimuketza katka. Yaja kineki katka ka ne techan sennemi katka.

Ne itekiw:

Tsiquantum kipalewia katka ka pewat Estados Unidos.

Yaja nusan kiwika katka sujsul titika inpal ne tejtechan ijikman pal Estados Unidos.

Ken mikik?

Tik se ujti tik ne wey at puyek tik se tawikani, Tsiquantum kukuya katka. Yaja nemi kukuya katka miak tanestuk. Tsiquantum miki katka. Ne ejekunimet iwan Tsiquantum mukwepat katka Cape Cod tik Massachusetts.

Tsiquantum nemi kitalpachuj isel tik ne techan itukey Puerto de Chatham.

Ijilpika

Squanto: https://es.wikipedia.org/wiki/Squanto

Letter of Emmanuel Altham to his brother Sir Edward Altham, September 1623: https://static1.squarespace.com/static/50a02efce4b046b42952af27/t/50a93c52e4b040d1420ec1ae/1353268306604/AlthamLetters.pdf

The generall historie of Virginia, New England & the Summer Isles : together with The true travels, adventures and observations, and A sea grammar: https://archive.org/details/generallhistori00smitgoog

Dunn, Jerome P. (Spring 1993). "Squanto Before He Met the Pilgrims". Bulletin of the Massachusetts Archaeological Society. 54 (1): 38–42: https://en.wikipedia.org/wiki/Squanto#CITEREFDunn1993

Indian New England before the Mayflower: https://archive.org/details/indiannewengland00russ

Mourt's relation or journal of the plantation at Plymouth: https://archive.org/details/mourtsrelationo00dextgoog/page/n100/mode/2up

Bradford's history of Plymouth plantation, 1606-1646: https://archive.org/details/bradfords00brad/page/n7/mode/2up

Mayflower : a story of courage, community, and war: https://archive.org/details/mayflowerstoryof00phil

Chronicles of the Pilgrim fathers of the colony of Plymouth, from 1602-1625. Now first collected from original records and contemporaneous printed documents, and illustrated with notes: https://archive.org/details/chroniclesofpilg00young

Early encounters--Native Americans and Europeans in New England: https://archive.org/details/earlyencountersn00nick_0