Wikimedia Incubator

Wp/ppl/Sylvia Rivera

< Wp | ppl
Wp > ppl > Sylvia Rivera

Sylvia Rivera

edit

Sylvia Rivera nesik se tunal ume pal ne metzti chikume tik ne shiwit se shikipil chiknawi tzunti ume pual majtakti se (1951). Ne ichan nemi tik ne wey techan Bronx, Nueva York tik ne Ejestadoj Seputzujtuk katka.

Yaja siwayulu[1] wan tapalewiani[2] katka.

Ne itunal ichtaka

edit

Ne iteku itukey José Rivera. Yaja Puertoricochanej wan ne inan Venezuelachanej katka.

Ne iteku kiajkawa Sylvia Rivera kwak yaja shulut katka. Ne inan mumiktij kwak Rivera kipia yey shiwit. Ne inoya kiskalij melka tesu kineki ika Rivera se piltzinsiwat katka. Igustuj muishmawaltia isel. Yajika Rivera nemi pal kisa ne ichan kwak kipia majtakti se shiwit katka. Yaja nujnuntzin wan munamakani[3] pal mutajpia katka.

Tay kichiwki?

edit

Rivera ne wey tatuktiani katka tik ne sentekitit Frente de Liberación Gay kichiwat nemanha ne Stonewall Riot[4] tik ne shiwit se shikipil chiknawi tzunti yey pual chiknawi (1969). Yaja nusan muputzua iwan ne Alianza de Activistas Gays kan tuijikniwan LGBT mueltiliniat keman musumat ipal tamakishtilis katka.

 
Sylvia Rivera ka inhishpan ne ikujkumpawan ipal S.T.A.R (Travestis Callejeras de Acción Revolucionaria).

Rivera kwalani ika miak tuijikniwan LGBT kinhishjiat ne sijsiwayulu katka. Yejemet ijishkalyukwawit katka. Yaja tesu nejmachnemi yajika kinmaka se tailwitilis keman nejnemit ka ujti[5] tik ne wey techan Nueva York tik ne shiwit se shikipil chiknawi tzunti yey pual majtakti yey (1973). Melka maya se wey ilwit ne tuijikniwan LGBT ijistakchichin wan pujpujpudiente kinekit. Tesu kinekit musumat ipal tamakishtilis[6] katka.

Rivera mutuskapelua wan kinneshtia ka inhishpan ne tuijikniwan katka. Yaja kinhilwia:

“Shimuyulsewiakan. An naja nitaketza inpanpa anmumajmanujwan sijsiwayulu[7] wan anmupipiwan tajtakayulu[8] tik ne kal kan nemit ne tuijikniwan tesu tawikilia[9]. Yejemet kinmawawasuat ne ajamat nupal mujmusta wan metzintajtanit ma shikinpalewikan wan tesu ankichiwat datka!”

Ne tuijikniwan LGBT kipakiliat Rivera katka. Nemanha kiajkawa ne itekiw wan panu se pual shiwit ka tenkál ne wey techan Nueva York katka. Yaja mukwepa kwak kimiktijket ichaku Marsha P. Johnson wan pewa mutekitilia katka.

Ken mikik?

edit

Sylvia Rivera miki tik ne shiwit ume shikipil ume kwak kipia ume pual majtakti ipanpa ne kukulis kikwa[10] ne ieltapach. Yaja tzuntawana katka.

An ne wey techan Nueva York kipia ne ujti tiktukeytiat Sylvia Rivera. Ne ikwikwil[11] Rivera achtu siwayulu tik ne Galeria Nacional tik Washington.

Ipanpa uni:

edit
  1. ↑ Mujer Transgénero
  2. ↑ activista
  3. ↑ Trabajador/a sexual
  4. ↑ Revuelta o Disturbio de Stonewall
  5. ↑ Demostración del Orgullo Gay
  6. ↑ derechos
  7. ↑ Gay o Mujeres Transgénero
  8. ↑ Lesbianas o Hombres Trans
  9. ↑ Estar en la carcel injustamente; siendo inocente
  10. ↑ cancer
  11. ↑ foto

Ijilpika:

edit

"El Legado de Sylvia Rivera": https://www.nypl.org/blog/2021/01/29/sylvia-rivera

"Sylvia Rivera: activista transgénero": https://acceso.ku.edu/unidad1/almanaque/rivera.shtml

"Sylvia Rivera (1951-2002)": https://mujeresbacanas.com/sylvia-rivera-1951-2002/

"Supervivencia de una artífice del cambio: Sylvia Rivera": https://resilience.si.edu/es/historia/resilient-lgbtq-activist-changemaker-sylvia-rivera

"Una pionera latina olvidada: la activista LGBT Sylvia Rivera": https://www.americadiversa.org/2022/06/una-pionera-latina-olvidada-la.html

Museo Nacional del Latino Americano (EEUU): https://latino.si.edu/es/exhibitions/presente/latino-identity/sylvia-rivera

Video original de Sylvia Rivera en la Demostración del Orgullo Gay de 1973: https://youtu.be/r0YIUm2s92k?si=883fSYSk_yskxmFm

S.T.A.R. (Street Transvestites Action Revolutionaries, Travestis Callejeras de Acción Revolucionaria):https://es.wikipedia.org/wiki/Street_Transvestite_Action_Revolutionaries

Retrieved from "https://incubator.wikimedia.org/w/index.php?title=Wp/ppl/Sylvia_Rivera&oldid=6367546"