Ne shikut se insectoj ipal ne orden itukay Coleoptera ipal ne Clase itukay Insecta. Tik kastiaj ken taketzat tik Kuskatan, ne shikut itukay achka kenha: chicote. Ne shijshikut nemit nujme ne taltikpapak tik ne tal, tik ne kwawit, tik ne mil, itan ne tet, tik ne lagoj, tik ne apan wan nusan itech ne weyat. Nemit mas shikut ka ukse takwalmet, nusan mas ka ukse insectoj. Yajika, sejse entomologoj pajpakit ka ne Teut sujsul kinneki ne shijshikut. Semaya ne shikut kipia iejtapal takwawak; ijkiuni tikmatit yaja shikut. Sejse shikut ne mas majwey insectoj ken se itachishka ken rinocerontej wan nusan ne mas chikitik, nian se milimetroj [1]. Ika sujsul chikitik, weli nejnemi tik ne ejekat.
Ne shikut goliat, yaja sujsul tumak wan weyak hastaj 110 mm ne ukich; muajsi ka tajku Afrikaj.
Ne mas chikitik ne shikut maya 0.4 mm tik ne Familiaj Ptilinidae, nusan intukay shikut iujmiyu.
Ne shikut goliat, yaja sujsul tumak wan weyak hastaj 110 mm ne ukich; muajsi ka tajku Afrikaj.
Ne mas chikitik ne shikut maya 0.4 mm tik ne Familiaj Ptilinidae, nusan intukay shikut iujmiyu.
