Polygonum capitatum
Polygonum capitatum kitukeytijket ne Tajtamatianimet se kwawitchín kaj witz ka Tejtepet intukey Himalayas, tik India.
Ne iiswayu yaja chikitikchín wan shushuknaj, siujsiujti kupuknaj, iwan se takwijkwilulis kutiltikchín ka itajku sejsé. Ini iiswayu kachka se tuyulu. Yaja kipia ipajsu. Ne itzinu ini kwawitchín weyak, wan kupuknaj, iwan miak isajsalijka. Ne isajsalijka welit muchiwat itzinweyaka u welit muchiwat imajmajkul. Yaja kipia miak chijchikitikchichín wan kujkuchiltik iyajyawal kan nemit, ka sejsé, ne miak ishujshuchiyu chijchikitikchichín. Sejsé itakil waktuk wan sujsul chikitikchín. [1]
Ini kwawitchín weli mukutilana ka ijpak ne tal u tejku itech ne tajtapepechul, yaja weli nusan nemi kupilkatuk tik se shuchikumit.
¿Ken tiwelit tikmutkitiliat ne Polygonum capitatum?
Pal tikpiat uksé kwawitchín, tiwelit tiktekit se imajkul wan tiktukat tik ne tal. Ini kwawitchín nusan kikutamima ne iish isel. Yaja weli nemi kan tesu tachia ne tunal, ka tenkál, u kan tachia maya chupi. Tiwelit tikajwiliat keman tikitat ka pewa majmalini. Ini kwawitchín tesu uej pal tikpiat, ¡yaja mutajpia isel! [2]
Ijilpika: