Nicaragua se estadoj ipal ne Shiktal. Nicaragua kiyawaluat Honduras ka ajkuikpa wan Costa Rica ka tatzuni. Nicaragua ne estadoj mas wey tik ne Shiktal ika kipia 129,494 km² wan nemit achka 6 millones ipal chanejket. Ne tatuktiani ipal Nicaragua itukay Daniel Ortega Saavedra wan ne weytechan itukay Managua. Ne tumin ipal Nicaragua itukay Cordoba, pero ne takamet wan siwatket nusan kwit ne dolar.
Tik Nicaragua ne takamet wan ne siwatket taketzat Castillaj. Tik Atlantico Norte (se taltakutun ipal Nicaragua) muchi taketzat Miskitu. Nusan, tik Atlántico Norte nemit sejse takamet wan siwatket ne taketzat Ingles.
Tik Nicaragua nemit 18 taltakuntun (Atlántico Norte, Atlantico Sur, Boaco, Carazo, Chinandega, Chontales, Estelí, Granada, Jinotega, León, Madriz, Managua, Masaya,Matagalpa, Nueva Segovia, Río San Juan wan Rivas) Ne ume taltakutun mas wey Atlántico Norte wan Atlántico Sur. Yejemet mas wey que Kushkatan.
Tik Nicaragua nemit ume wey at, intukay Managua (Xolotlán) wan Nicaragua (Cocibolca o At ipal Granada).5* Ne at itukay Managua kipia 1.049 km² wan nemi itzalan ne tajtaltakutun intukay León wan Managua. Ne at itukay Nicaragua kipia 8.624 km², yey islaj wan ume tepet. Uni at nemi itzalan ne tajtaltakutun intukay Granada, Rivas, Río San Juan,Chontales wan Boaco. Nusan uni at ne mas wey ipal ne Shiktal.
Atlántico Norte
Atlántico Sur
Boaco
Carazo
Chinandega
Chontales
Estelí
Granada
Jinotega
León
Madriz
Managua
Masaya
Nueva Segovia
Río San Juan
Rivas