Ne ume Nujnunan
Nikpia tik nuchan Nunan,
melka ume Nujnunan nikpia.
Ka ikajku nemi ne Tunantzin,
wan yaja nusan ne inan Nuteku Tiut.
Ne ume nechnekit,
ne ume nechmakat ne intasujtalis,
ne ume nikintemua wan nikinnutza,
wan ne ume nikinneki.
Keman niknutza Nunan,
yaja witzaya nemanha.
Nunan ka ikajku witz,
su nikelnamiki niktajtani yaja.
Mujmusta Nunan
nechmaka se tennamikilis keman nisa.
Tik nutunal nikwika ini tennamikilis
ipal ne Nunan ka ikajku.