Wp/ppl/Nantzin Sixta

< Wp‎ | ppl
Wp > ppl > Nantzin Sixta
Nantzin Sixta kipia sujsul galanchín ikwajkwach
Yaja kipia se sujsul galanchín iwipil, se ikwajtzin wan weyak itajtajkwil.

Nantzin Sixta

edit

Nantzin Sixta se lamajchin galanchín. Yaja kipia nawi pual se (81) shiwit. Yaja nesik tik se kajkal ka kojtan itukey "Cantón Carrizal", tik Sentzunat. Muchi imiekawan witz ka Witzapan, se techan itukey Santo Domingo de Guzmán, tik kastiyaj, tik Sentzunhat, tik Kuskatan.

Yaja weyak iwan inan, iteku, ume imajmanuwan wan ume iikawan. Ne ume iikawan sijsiwatket katka. Yejemet mikiketa. Nusan mikika inan, iteku, wan se imanuj. Maya naka iwan se imanuj, se iukichkunew yaja kipia, wan se iishwiyu. Iishwiyu se siwat.

Keman inan Nantzin Sixta munamiktij, iteku kichiwki se ikal ka kojtan. Nantzin Sixta an nemi tik ini kal.

Keman Nantzin Sixta chikitik katka, inoya kimachtij ken yaw-kichiwa katka tishti tzupelek. Nantzin Sixta kinamaka ne tishti tzupelek inoyaj kichiwa katka.

Itajtatanoywan kimachtijket Nantzin Sixta ken yaw-tamewa katka, ken yaw-kitamejchiwa katka ne kumaj pal kikutuna ne jaral, ken yaw-kituka katka ne mil, keski ish tawial yaw-kimima katka tik ne tal pal kituka ne mil. Inan kimachtij, nusan, ken yaw-tatuka katka. Yejemet kitukat katka mil, alborotaj, tumat, chil, et, kutkut. Yejemet kianat katka ne sinti ka ikajku, pal te palani, te kwalu, pal yaw-welit kituka katka.

Yaja kiwika katka itamal wan at ijtik se itekun keman yaja yawi katka tekiti tik kojtan.

An, yaja se tamachtiani tik ne tamachtiluyan "Ne Ichan Safoura". Yaja tamachtia iwan ne Tamachtiani Héctor Martínez. Yaja kipalewia miak tuijikniwan welit tajtaketzat Nawat. Yaja se sujsul yek tamachtiani.

[1][2]

Ijilpika:

edit
  1. https://www.youtube.com/watch?v=QnlFfV60Qeo
  2. https://gatopardo.com/arte-y-cultura/del-miedo-a-hablar-en-tu-lengua-a-recuperarla-el-nahuat/