Wp/ppl/Manuel Enrique Araujo Rodríguez

MANUEL ENRIQUE ARAUJO RODRÎGUEZ

Ne tapajtiani wan tatuktiani Manuel Enrique Araujo Rodríguez nesik tik ne techan Jucuapa (Hacienda El Condadillo), tik Ucelutan takutun Ipal Kuskatan, se tunal majtakti ume, pal ne metzi majtakti, tik ne shiwit se shikipil chikwey tzunti yey pual makwil (12/10/1865).

Yaja mikik tik ne techan Kuskatan, tik Kuskatan takutun ipal Kuskatan, se tunal chiknawi, pal ne metzi ume, tik ne shiwit se shikipil chiknawi tzunti majtakti yey (9/2/1913). keman yaja kipia katka ume pual chikume shiwit.

NE ITUNAL ICHTAKA

Ne itejtekuwan intukey katka Manuel Enrique Araujo wan Juana Rodríguez de Araujo.

Ne tapajtiani Araujo munamiktia katka iwan María Peralta Lagos, wan yejemet kipiatuyat se insiwapiltzin itukey Concha Araujo Peralta.

Maria Peralta Lagos iteku itukey José María Peralta Tatuktiani ka Kuskatan tik ne shiwit se shikipil chikwey tzunti ume pual kashtul nawi 1859.

Manuel Enrique Araujo mumachtia katka ka ne Tumak Tamachtiluyan tik Kuskatan^[1] wan ne tumak Tajtamamachtiluyan tik Europa pal muchiwa se Tapajtiani.

TAY KICHIWKI

Yaja se Tatuktiani ka Kuskatan katka tik ne shiwit se shikipil chiknawi tzunti majtakti se ka ne shiwit se shikipil chiknawi tzunti majtakti yey (1911-1913).

Ne tapajtiani Araujo , tekiti katka pal kaltapajtiani Rosales . Yaja kitzintia kichiwa katka ne tumak

kal pal ne tajtaketzanimet wan ne mijmijtutianimet ^[2] tik Kuskatan . Yaja kichiwa katka nusan ne tajtajpianimet pal ne Kuskatan^[3] wan kichiwa katka yek dajdakta pal Kuskatan.

KEN MIKIK

Ne tapajtiani wan tatuktiani Manuel Enrique Araujo kimiktijket yaja tik ne tajkutechan Bolivar, tik ne Kuskatan.Yey tajtakamet iwan tajtakutunaya kimiktiat yaja katka.

Yaja kitapalchuat katka kan nemit ne shajshacut ne ``Ilustres`` ka Kuskatan.^[4]

IPANPA UNI