Kinich Janaab Pakal
edit
K'inich Janaab' Pakal (603 shiwit, 3 metzti, 23 tunal - 683 shiwit, 8 metzti, 28 tunal) se Ajaw (tatuktiani) katka ipal ne wey techan Baakal, tinat "Umit" tik nawat. An mutukeytia Palenke. Itukey Pakal kineki ina Tzitzinaka - ? - Chimal[1]. Baakal nemik tik kan an mutukeytia Chiapas, ijtik Meshiku.
Yaja itelpuch nantzin Sak k'uk, ipíltzin tajtzin K'an Mo' Hix (/Kan Mo Jish/). Mukwepki Ajaw keman yaja kipia majtakti ume shiwit.[2] Tatuktia 68 shiwit katka. Munamiktij iwan ne nantzin Tz'akbu Ajaw, kaj witz ka ne inmiekawan tajtatuktianimet ipal ne tejtechan Toktahn wan Uxte'k'uh. Yaja kimakak Pakal ume ipíltzin: K'inich Kan Bajlam wan K'inich K'an Joy Chitam. Ne achtu mukwepki Ajaw ipal Baakal nemanha miktuk Pakal.
Itekiw
edit
Kwak tami ne ume k'atun ipal ne itatuktialis Pakal, nemik se lilish ka Baakal. Ipanpa ini, tik ne Teupan ipal ne tajtajkwilulchin ina: "mulinket ne itakil kwawit".[3]
Keman nesik Pakal, ukse techan kichalua nemi Baakal, anka kintuktij ne Wey Techan Kaan. Anka yajika ka tunalku tik 659 shiwit, Pakal wan mutechan pewki musuma inwan ne tejtechan Pomoná wan Piedras Negras, ne nemiket kan kisa ne tunal. Ajsi ne itenpan ne apan San Pedro, wan kichaluj ne Wey Techan Wak'aab' - [h]a'. Ka muchi ini techan, Pakal kinitzkij ne tatuktiani ipal Wak'aab' - [h]a', ipal Pomoná wan ipal ukse techan ne tea akaj kimati.[4]
Nemanha tami tasuma, mukwepki ka Baakal wan pejki kinketza tiujtiupan wan wey tet, ne taketzat ipanpa ken kinpulua miak techan. Kiketzki yankwik takutun ipal ikal. Kiuni muchi ne ajsi ka Baakal yu-kimati ipanpa kia yek ne kichiwtuk ne wey tatuktiani.
Ipanpa ini
editAmachti ipanpa
edit- Skidmore, Joel (2010). The rulers of Palenque. Fifth Edition.
- Bernal Romero, Guillermo (2012). Historia dinástica de Palenque: la era de K'inich Janahb' Pakal (615-683 D.C.). Revista Digital Universitaria, Volumen 13.