José Mejía Vides nesik se kashtul nawi pal metzi yey se shikipil chiknawi tzunti yey takwikwiluani wan tachiwani pal sukit kuskatanchanej katka. Yaja mumachtia tik ne Instituto Nacional de Artes Gráficas katka.
Yaja kikwikwilua ne ukchupi itekiw katka pejki tik ne shiwit se shikipil chiknawi tzunti se pual majtakti wan tamik tik ne shiwit se shikipil chiknawi tzunti ume pual. Kimakaket se takulis ne ‘‘Premio Nacional de Cultura’’ pal se shikipil chiknawi tzunti yey pual kashtul ume chikwasen.
Ipanpa ne itunal
editYaja nesik tik ne wey techan Kuskatan tik ne tunal kashtul nawi pal metzi yey se shikipil chiknawi tzunti yey. Ne inan katka Jesús Vides Navarro wan iteku katka José Mejía. Yaka isiwaw katka Clementina Suárez, tawawasuani tik ne Honduras.
Yaja mumachtia katka pejki tik ne shiwit se shikipil chiknawi tzunti kashtul yey tik ne tamachtiluyan ‘‘Escuela Nacional de Artes Gráficas Carlos Alberto Imery’’. Nemanha, pal se shikipil chiknawi tzunti se pual se, yaja mumachtia katka tik ne tamachtiluyan “Academia de San Carlos” tik ne wey techan Meshijku wan tamik tik ne shiwit se shikipil chiknawi tzunti se pual chikume.
.svg)
Yaja tamachtiani katka pal ikwikwil tik ne tamachtiluyan ‘‘Escuela Nacional de Artes Gráficas’’ pejki tik ne shiwit se shikipil chiknawi tzunti ume pual wan tamik tik ne shiwit se shikipil chiknawi tzunti ume pual chikwey.
Nemanha yaja tatuktiani katka pejki tik ne shiwit se shikipil chiknawi tzunti ume pual chinawi wan tamik tik ne shiwit se shikipil chiknawi tzunti yey pual.
Kimakaket se takulis ne achtu takulis “Premio Nacional de Cultura” pal se shikipil chiknawi tzunti yey pual kashtul ume: ne “Escudo de Armas de la Ciudad de San Salvador”.
Wan mikik tik ne wey techan Kuskatan ne se pual se pal metzi chikwey se shikipil chiknawi tzunti nawi pual majtakti yey.
Ijilpika
editJosé Mejía Vides: https://es.wikipedia.org/wiki/Jos%C3%A9_Mej%C3%ADa_Vides
Escudo de San Salvador: https://es.wikipedia.org/wiki/Escudo_de_San_Salvador