Wp/ppl/Ikmanpanutuk ipal España

< Wp‎ | ppl
Wp > ppl > Ikmanpanutuk ipal España

Ikman, tik ne tajtal ne ashan muilwiat España wan Portugal nemituyat ne tejtechan Iberoj wan Vascoj. Ajsiket uksejse techan: ne techan itukay Celtaj, wan sejseuk ipal Poynikia, Grecia wan Roma; tipan sejseuk ne kistiwit ajkuik Europa wan ajkuik Africa. Ne Imperioj ipal Roma kalwikak ne itaketzalis, ne Latin; wan tik Africa ajsik ne taketzalis Arabej.

Ne Wikipediaj Tik Nawat
Ne Wikipediaj Tik Nawat

Achtu Iswat
pal Wikipediaj

Tepalewilis
Tajtaiwan
Chinamit

Ini tejtet nakat ipal se techan pal ikman panutuk tik Galicia. Se techan ijkiuni muilwia se castro.
Tejtechan wan ejestadoj tik ne shiwit 1210. Kan ne itachishka cafe, kwakuni nemituyat ne Morojmet Arabejtaketzat. Ne estadoj ipal ne Vascojmet itukay katka Navarra.

Cristianojmet wan Morojmet edit

Ijtik miak shiwit, ka ajkuikpa tatuktiat katka ne Latintaketzat wan ka tatzinu ne Arabejtaketzat. Ka ajkuikpa, ijtik muchi ne Latintaketzat (ne nusan muilwiat "Cristianojmet") te nemituya sanse estadoj nian sanse tatuktilis; sejse takutun kipiatuya ne itatuktiani, wan seujseujti musumat katka ijtik yejemet.

Ne Latintaketzalis mupatak yajki nujme wan mukwepki tajtaketzalis tekenhat: ne Gallegoj, ne Castilla, ne Catalan wan sejseuk. Tik ne Techan Vascoj kipiatuya ukse taketzalis, ne Vascoj.

 
Ne ejestadoj tik ne shiwit 1360. Castilla, Leon wan Galicia musenputzujtiwit. Ne yankwik estadoj itukay Castilla wan Leon kisunki ne Morojmet hasta semaya nakak ne estadoj ipal Granada inhitan. Nusan musenputzujket Aragon palikman wan ne tejtechan Catalan, wan mukwepket ne estadoj ipal Aragon.

Tipan ne tejtechan "Cristianoj" pejket musumat iwan ne Arabejtaketzat (ne nusan muilwiat Morojmet) wan kinhishtilijket yajket intajtal, hasta semaya nakak ipal ne Morojmet ne taltakutun itukay Granada. Ne talmet ipal Castilla wan Aragon musenputzujket wan tik ne shiwit 1492 kinchulultijket muchi ne Morojmet wan Yudayujmet. Uni nusan ne shiwit kwak Cristobal Colon wan sejseuk ipal Europa ajsiket ijtik inbajbarcoj wan kishmatket America.

Ne Wey Tetajtanilis wan ne Imperioj Español edit

Panuket miak shiwit wan Portugal muchijki se estadoj mukwajpilua, wan muchi ne uksejse tajtal wan tejtechan mukwepket ne estadoj itukay España.

Sejseuk pal tikita tik ne Wikipediaj Tik Nawat edit

References edit