Wp/ppl/Ian Flemming

Ian Lancaster Flemming se Inglaterrachanej tawawasuani, tikinhshmatket ajamachti ipal tapachiwiani James Bond.

Fleming kimawawasuj ne achtu Bond amachti, “Casino Royale,” tik new shiwit se shikipil chiknawi tzunti ume paul majtakti ume (1952) keman kipia ume pual nawi shiwit. Ne amachti tanamak yek. Kimawawasuj majtakti se Bond amachti wan ume amachti ipal kutu casoj intzalan ne shiwit se shikipil chiknawi tzunti ume pual majtakti yey (1953) wan se shikpil chiknawi tzunti yey pual chikwasen (1966). Ne Bond cajcasoj sejse ukchupi yek tanamak ajamachti tik nujme shijshiwit. Tanamak ajku shikipil shikipil amachti tik ne nujme taltikpak. Bond kiski tik se pual chikume wey ulinkwikwil.

Ne Itunal Ichtaka

Ian Lancaster Fleming nesik se tunal se pual chikwey pal ne metzti makwil tik ne shiwit se shikipil chiknawi tzunti chikwey (1908) tik se pujpudiente takutun ipal London. Inan itukey katka Evelyn “Eve” Fleming wan iteku itukey katka Valentine Fleming.

Iteku kimiktijket se tunal se pual pal ne metzti makwil tik ne shiwit se shikipil chiknawi tzunti kashtul ume (1917) tik ne Achtu Taltikpak Wey Tasumalis.

Imanuj intukey katka Peter (1907-1971) muchiwki se pashaluani tawawasuani wan munamiktij iwan Celia Johnson, se casoj mawiltiani.

Fleming tikpia ume iikaw, intukey katka Michael (1913-1940) wan Richard (1911-1977). Michael mikik ika tikpia tajtatzuntekilis tik ne metzti majtakti tik ne shiwit se shikipil chiknawi tzunti ume pual (1940) nemanha kitzkijket tik Normandy tik ne Ume Taltikpak Wey Tasumalis.

Fleming nikpia katka se chupi iikaw ipal inan nusan, ne sonchiwani Amaryllis Fleming (1925-1999). Amaryllis nesik keman Evelyn pewa senkuchket iwan Augustus John, se sonchiwani, tik ne shiwit se shikipil chiknawi tzunti se pual yey (1923), chikwasen shiwit nemanha Valentine mikik.

Fleming munamiktij iwan Anne Charteris tik se tunal se pual nawi pal ne metzti yey tik ne shiwit se shikipil chiknawi tzunti ume pual majtakti ume (1952) tik Jamaica. Charteris munamiktij Viscount Rothermere se tunal se pual chikwey pal ne metzti chikwasen tik ne shiwit se shikipil chiknawi tzunti ume pual makwil (1945). Rothermere kiajkaw Charteris tik ne shiwit se shikipil chiknawi tzunti se pual majtakti ume (1951) ika yaja kishijshikuj iwan Fleming. Fleming nikpia katka se ipíltzin iwan Charteris, itukey Caspar.

Tay Kichiwa

Fleming kimawawasuj achtu iamachti, Casino Royale, tik ume metzti. Pewki tik Goldeneye, se ichan tik Jamaica, se tunal kashtul pal ne metzti se tik ne shiwit se shikipil chiknawi tzunti ume pual majtakti ume (1952) wan tamik se tunal kashtul se pal ne metzti ume tik ne shiwit se shikipil chiknawi tzunti ume pual majtakti ume (1952). Kiwawasuj ajku ume shikipil tajtaketzalis mujmusta.

Tik se tunal majtakti yey pal ne metzti nawi tik ne shiwit se shikipil chiknawi tzunti ume pual majtakti yey (1953), “Casino Royale” kiski tik Inglaterra. Tanamak sujsul yek.

Nemanha “Casino Royale” kiski, Fleming kimawawasuj ukse amachti ipal Bond keman yawi ka itechan tik Jamaica senpa. Majtakti ume amachti ipal Bond wan ume amachti ipal kutu casoj kisket intzalan ne shiwit se shikipil chiknawi tzunti ume pual majtakti yey (1953) wan ne shiwit se shikipil chiknawi tzunti yey pual chikwasen (1966).

Ken Mikik

Fleming sujsul igustuj kichichinki miak tachichinalis wan nusan wey at chichik wan iyulu yaja kukuya. Tik ne shiwit se shikipil chiknawi tzunti yey pual se (1961), keman kipia ume pual majtakti yey shiwit, mikik ika tamik iijiu.Yaja kitalpachua katka nemi ne shajshaput tik ne Sevenhampton tiupan.

Ume amachti “The Man with the Golden Gun” wan “Octopussy and the Living Daylights” kiski nemanha Flemming mikik

Ijilpika

Ian Flemming: https://en.wikipedia.org/wiki/Ian_Fleming

"A Casualty of War". ianfleming.com. 16 August 2016. Consultado 22 January 2021.

Fleming, Fergus (5 August 1999). "Amaryllis Fleming". Obituario. The Independent. London. Consultado 4 December 2011.

Lycett, Andrew (1996). Ian Fleming. London: Phoenix. ISBN 978-1-85799-783-5.