Wp/ppl/Haruki Murakami

Haruki Murakami se tawawasuani Japonchanej. Kinnamaka miak ajamachti wan kutu casoj tik Japon wan ne taltikpak. Itekiw kipatat tik ume pual majtakti tajtaketzalis katka. Kimakat miak tajtakulis ken ne “Gunzo Prize for New Writers,” ne “World Fantasy Award,” ne “Tanizaki Prize,” “Yomiuri Prize for Literature,” ne “Frank O'Connor International Short Story Award,” ne “Noma Literary Prize,” ne “Franz Kafka Prize,” ne “Kiriyama Prize for Fiction,” ne “Goodreads Choice Awards for Best Fiction,” ne “Jerusalem Prize,” wan ne “Princess of Asturias Awards.”

Haruki Murakami tik 2018

Ne Itunal Ichtaka

Murakami nesik tik ne techan Kyoto tik Japon nemanha “Segunda Guerra Mundial.” Kiskaliat tik ne tejtechan Nishinomiya, Ashiya, wan Kobe. Yaja sujsul igustuj ajamatchti wan son kan kalaki ne tunal wan Rusia nusan. Amatachia tawawasuani ken Franz Kafka, Gustave Flaubert, Charles Dickens, Kurt Vonnegut, Fyodor Dostoyevsky, Richard Brautigan wan  Jack Kerouac. Ini tesu kenha miak tawawasuani witz Japon.

Murakami imumachtia tik ne wey tamachtiluyan Waseda University tik ne wey techan Tokyo katka. Uni ka kishmati Yoko katka, an isiwaw. Yejemet tesu kinekit kipiat ipijpipil.

Murakami se mutaluani. Pewa keman kipia se pual majtakti yey shiwit. Tik se tunal se pual yey pal ne metzti chikwasen tik ne shiwit se shikipil chiknawi tzunti nawi pual kashtul se (1996) yekawi ne achtu “ultramarathon,” mutalua se tzunti “kilometros” kiyawaltlia ne wey at Lake Saroma tik Hokkaido takutun ipal Japon katka. Tik ne shiwit ume shikipil chikume, kiwawasua ne amachti “What I Talk about When I Talk About Running.”

Tay Kichiwa?

Murakami pewa kiwawasua keman kipia se pual chiknawi shiwit katka. Tekiti tik ne achtu amachti, "Hear the Wind Sing," majtakti metzti katka. Kituktia ka se awilti pal ne amatachialis wan kimakat ne achtu takulis. Tik ne shiwit se shikipil chiknawi tzunti yey pual majtakti yey (1973) kimawawasua “Pinball” katka. Tik ne shiwit se shikipil chiknawi tzunti nawi pual ume (1982), kimawawasua “A Wild Sheep Chase.” Ini yey amachti kichiwat ne “Trilogy of the Rat” (Yey Takutun pal ne Ombron Kimichin).

Tik ne shiwit se shikipil chiknawi tzunti nawi pual makwil, kimawawasua “Hard-Boiled Wonderland and the End of the World” wan ne shiwit se shikipil chiknawi tzunti nawi pual chikume kimawawasua “Norwegian Wood” katka. Kinamaka miak shikipil shikipil ajamachti katka.

Ijilpika

Haruki Murakami: https://en.wikipedia.org/wiki/Haruki_Murakami

Murakami kipatat tik ume pual majtakti tajtaketzalis: https://www.curtisbrown.co.uk/haruki-marukami-now-available-in-50-languages/