José Feliciano Ama ne mayordomoj ipal Itzalku ká tatekimaka katka kwak ajsik ne ejercitoj ipal ne kalpuli wan kimiktijket sujsul miak Metzali tik ne Tamiktilis ipal 1932.
|
Feliciano Ama mukwepki mayordomoj ipal ne cofradiaj Corpus Cristi tik ne shiwit 1917. Ne 22 ipal ne Metzti 1 ipal 1932, ijtik se wey kumunilis, muketzki ne techan tik Itzalku wan ijkiuni nakak chikwasen tunal, hasta de tunal 28. Kwakuni kalakket ne tasumanit ipal ne ejercitoj tik ne techan. Kimiktijket sujsul miak tukniwan tik uni tujtunal. Feliciano Ama se tatuktiani ipal ne techan Metzali wan nusan mikik. Sejse inat ka mikik kechpilujtuk, wan sejseuk ka achtu kitejteminket wan kikechpilujket kwak miktuk.
Feliciano Ama nesik tik ne shiwit 1881. Te kipiatuya wey tumin wan tekitini katka hasta munamiktij. Ne isiwaw Josefa Shupan, se ipal se familiaj wey tik Ijtzalku.
Teuk tikmatit muchi tay panuk tik ne Metzti 1 ipal 1932 tik Ijtzalku. Tik ne techan ipal Itzalku, muchi ne shijshiwit muchiwa se ilwit ne 22 ipal ne Metzti 1 pal muelnamiki. Tik ipal 2007 musenputzuj se comision pal sentekitit wan mumachtiat ken ijtuk tik 1932. Tik ne ijilwit senpa nemit sejse ipal ne familiaj Ama, wan se iishwiu, Juliana Ama, nusan nemi tik uni comision.
Sejseuk pal tikita tik ne Wikipediaj Tik Nawat
edit