Ne et se mekat; mutuka tik ne mil wan ne iish mumana wan mukwa. Nemit miak clasej, ken ne chiltiket, istaket, kutiltiket, ayekuj wan sejseuk. Weli mutuka et ka ikwaj tik se etal, wan nusan tik ne mil inawak ne sinti (muilwia ne sinhet). Ne et se mekat ne te weli naka ejkatuk isel, yajika kwak takati muilpia itech se kwawit o itech ne sinti. Kipia se vainaj, wan ijtik ne vainaj muajsi ne iish. Kwak tami weya tikpishkat, tikajkawat ma waki, tikishtiat ne iish tik ne vainaj, tikpupuat wan tiwelit tikanat pal tiknamakat o pal tikmanat. Kwak tiawit tikmanat ne et, achtu tiktaliat tik at pal yamania, wan nemanha mumana tik at. Kwak nemi mantuk, tikilwiat emanti. Seujseujti tiktisit wan mukwa iwan ne tamal. Nusan weli muishtuka ijtik tishti pal muchiwa ne ijtikukuk o pupusaj.
|
