Wikimedia Incubator

Wp/ppl/Carlos Lara

< Wp | ppl
Wp > ppl > Carlos Lara

Carlos Lara

edit

Yaja itukey Carlos Isaías wan itzuntukey Morales-Lara, melka kaj tiktukeytiat ken Carlos Lara. Carlos Lara nesik se tunal kashtul pal ne metzti chiknawi tik ne shiwit se shikipil chiknawi tzunti nawi pual majtakti yey (1993) tik ne canton San Antonio Silva, ichan nemi tik ne techan San Miguel tik ne Kuskatan. Yaja kipia se pual majtakti se.

Carlos Lara se tamachtiani pal Ingles, tatemuani[1], pashaluani, takwikwiluani wan yaja mumachtiani. Yaja siwayulu[2], iyulu iwan ne yawal kipia miak itajtachishka[3] wan pansexual.

Ne Itunal Ichtaka:

edit

Ne inan itukey Virginia Carolina wan itzuntukey Lara Martínez. Ne iteku itukey Roberto Carlos wan itzuntukey Morales Machado. Yaja kipia ume iikawan. Ne iikaw itukey Reina de la Paz wan itzuntukey Morales Lara. Ne iikaw itukey Daniel Osmar wan itzuntukey Morales Lara. Muchi ne imiekawan Kuskatanchanejket.

Carlos Lara mumachtia yey shiwit tik ne wey tamachtiluyan pal ne Kuskatan[4] pal kichiwa tamachtiani pal tajtaketzalis Ingles kan kiajshitilia se wey ajamat[5] katka. Yaja kiajshitilia se wey ajamat tik ne shiwit ume shikipil kashtul (2015).

Yaja tatemuani inpanpa ne incajcasoj pal Afros tik ne Kuskatan; wan ne cajcasoj kinpalewiat pal kinputzuat tik ne kinkwijkwikilt te taketza.

Carlos Lara mumachtia pal muchiwa isel anthropólogo. Yaja mumachtia ken itachishka tuijikniwan (anthropología): intzijtzinweyaka[6] (raizes), inkwajkwachti [7](telas), inmijmijtutia [8](danzas), insonyu [9](musicales), intujtutaiwan [10](comidas), incajcasoj [11](historias), inkwijkwikwil ne inkajkal[12] (arquitectura), wan (lingüísticas) inpal ne Afro-Kuskatanchanejket tik Kuskatan.

Yaja nusan muputzua isel inwan AFROOS (Afrodescendientes Organizados Salvadoreños). Kan sentekitit wan kitatemuliat, kitawiluat wan kiwawasuat ne incajcasoj pal ne tuijikniwan AfroKuskatanchanejket. Ne itekiw tik AFROOS kitemua inpanpa ne Afros tik ne Kuskatan wan kimaka muchi inpanpa tik senmumachtia [13] wan sentaketzat[14]. Nusan kichiwa kikwikwilua kan kintejkultiat pal ne sentekitit [15]AFROOS.

Carlos Lara igustuj takwika, pashalua, yawi ka wey puyek at, amatachia wan kikisa ati atutun. Yaja igustuj kwikwilchiwa inpanpa kojtan, tejtepet, wey at, wey puyek at, wan tejtechan tik Kuskatan.

Tay Kichiwki?:

edit

Carlos Lara kichiwa miak tailwitilis (exposiciones).

  1. Yaja kichiwa tailwitilis "Rostros afrosalvadoreños, Francisca Grijalva". Yaja kilwitia inini tailwitilis tik miak kajkal ken ne Kalamachti (Bibloteca) Cuscatlan, ne Sistema de Integración Centroamérica (SICA) wan tik ne wey kal—Museo Nacional de Antropología (MUNA), en dónde adoptó el nombre de "Francisca Grijalva". Inin tailwitilis kinilwitia se pual chikwasen tuijikniwan AfroKuscatanchanejket. Kinkwikwilua inwan ne itajtachishka tik acrílico, acuarela, gouache o carboncillo. Tik ne tailwitilis yaja kinilwitiat incajcasoj, kinshijiat [16](discriminación) wan kiselia pal ne tuijikniwan AfroKuscatanchanejket.
  2. Yaja kichiwa "Desnudez, herramienta política" katka. Inin tailwitilis inpanpa ne pejpetztituk inweyka. Yaja kilwitia inin tailwitilis tik ne shiwit ume shikipil se paul yey (2023) tik Suchitoto, Kuscatan inwan ne sentekitit Casa Flamenco y ne sentekitit AFROOS katka.
  3. Kichiwa se tailwitilis ‘El arte que nos cuenta’ y kilwitia inin tailwitilis tik ne sentekitit Colectivo Alejandria keman kintuktiat iwan Museo de Arte (MARTE) pal kilwitiat ne kiseliat pal ne tuijikniwan LGBTIQ+ Kuscatanchanejket. Yaja kilwitia inin tailwitilis ne metzti majtakti ume tik ne shiwit ume shikipil se paul yey (December 2023) katka.
  4. Kichiwa se tailwitilis “Imborrable” pal siwapil wan piltzin tik ne Sala de Exposiciones Salarrué tik Kuscatan kan yaja kikwikwilua se ne wey ikwikwil[17] (mural). Inin ne wey ikwikwil kilwitia miak siwapil wan piltzin pal ne Kuscatan. Yaja kilwitia inin tailwitilis ne metzti chikume ume tik ne shiwit ume shikipil se paul ume ( Julio 2022) katka.
  5. Yaja tekiti iwan ne Revista DiscrimiNaciones Afrodescendencia Centroamérica katka, kan yaja kikwikwilua AfroKuscatanchanejket wan kilwitia ne kinseliat. Ne wey intekiw (proyecto) pal ne Fundación Böhl tik ne shiwit ume shikipil se paul (2020) katka.
  6. Yaja tekiti iwan ne Revista DiscrimiNaciones LGBTI+ Centroamérica katka,  kan yaja kikwikwilua ne kinseliat pal ne tuijikniwan LGBTI+ tik Kuscatan.  Ne wey intekiw (proyecto) pal ne Fundación Böhl tik ne shiwit ume shikipil kashtul nawi (2019) katka.
  7. Yaja tatukiani pal ne wey intekiw (proyecto) “Arte Afrogosto”, kichiwat iwan AFROOS (Afrodescendientes Organizados Salvadoreños) pal kilwitiat tajtaketzalis Africanas wan tajtaketzalis AfroKuscatanchanej tik ne metzti chikwey—Africana tik ne Kuscatan tik ne shiwit ume shikipil kashtul nawi (2019) katka.

Carlos Lara kipia se canal pal YouTube “carloslara dibujo” katka, kan yaja kichiwa ujulinkwikwil. Yaja kichiwa inin canal ika kilwitia kipashalua tik ne Kuscatan. Nemanha yaja pewa tajtaketza wan kilwitia cajcasoj inpana Afros tik Kuscatan.

Yaja itekiw ken tatukiani pal Diversidad Sexual y Genero inwan ne sentekitit AFROOS. Tik ne shiwit ume shikipil kashtul ume (2017), yaja pewa kipashalua Kuscatan kan miak cajcasoj Afro tik Kuscatan. Ka né pejki kan kinchiwat RutAfro.

Ipanpa Uni:

edit
  1. ↑ investigador/researcher
  2. ↑ gay
  3. ↑ queer
  4. ↑ Universidad de El Salvador/ University of El Salvador
  5. ↑ diploma de Ingles/ English diploma
  6. ↑ raizes
  7. ↑ telas
  8. ↑ danzas/dances
  9. ↑ musicales/music
  10. ↑ comidas/food
  11. ↑ historias/history
  12. ↑ arquitectura/architechture
  13. ↑ talleres/workshops
  14. ↑ conversatorios/conversations
  15. ↑ organizacion/organization, grupo/group
  16. ↑ discriminación/discrimination
  17. ↑ mural

Ijilpika:

edit
Retrieved from "https://incubator.wikimedia.org/w/index.php?title=Wp/ppl/Carlos_Lara&oldid=6457912"