Albert Camus tawawasuani wan yultaketzani[1] katka. Kimakat ne “Premio Nobel de Literatura” tik ne shiwit se shikipil chiknawi tzunti ume pual kashtul ume (1957) keman kipia ume pual nawi shiwit katka. Yaja kimawawasua miak ajamatchti ken “L'Étranger,” “La Peste,” “ Le mythe de Sisyphe,” “La Chute,” wan “ L'Homme révolté.” katka.
Ne itunal ichtaka:
editCamus nesik tik Algeria, tik se takutun ipal Francia katka, tik se tunal chikume pal ne metzti majtakti se tik ne shiwit se shikipil chiknawi tzunti majtakti yey (1913). Keman piltzín, chichiuk katka. Iteku mikik tik ne achtu “Guerra Mundial.” Camus tesu kishmati iteku katka. Inan itukey katka Catherine Hélène, yaja tesu weli amatachia wan nan kikaki katka.
Tik ne shiwit se shikipil chiknawi tzunti se pual majtakti (1930), ne tapajtiani kilwij Camus kipia “tuberculosis.” katka. Tik ne shiwit se shikipil chiknawi tzunti se paul majtakti yey (1933), Camus yawi ka wey tamachtiluyan “University of Algiers” katka. Yekawi ne “licence de philosophie” tik ne shiwit se shikipil chiknawi tzunti se pual majtakti chikwasen (1936) katka.
Tik ne shiwit se shikipil chiknawi tzunti se pual majtakti nawi (1934), Camus munamiktia iwan Simone Hié melka neman kiajkawa ika Hié kishijshikua katka. Camus yawi ka Paris, neman ne “Segunda Guerra Mundial” ejku nusan katka. Camus chulua ka Lyon kan munamiktia iwan Francine Faure tik ne tunal yey pal ne metzti majtakti ume tik ne shiwit se shikipil chiknawi tzunti ume pual katka (1940). Tasumalis nemanha, yawit ka Paris katka. Nikipia ume isijsiwapíltzin katka tik ne shiwit se shikipil chiknawi tzunti ume pual makwil. Intukey Catherine wan Jean.
Tay Kichiwa?
edit
Camus achtu itekiw itukey katka “Révolte dans les Asturies.” Kimawawasua inwan yey ichajchakuwan tik ne shiwit se shikipil chiknawi tzunti se pual kashtul se (1936) katka. Tik ne shiwit se shikipil chiknawi tzunti se pual kashtul ume (1937) kimawawasua ne achtu iamachti itukey “L'Envers et l'Endroit” katka.
Camus kimawawasua itekiw tik yey tajtakutun katka. Ne achtu takutun kipia “L'Étranger,” “Le Mythe de Sysiphe,” wan “Caligula” katka. Ne ume kipia “La Peste,” “L'Homme révolté,” wan “Les Justes” katka. Ne yey kipia “Nemisis” isel katka.
Ajamachti tik ne achtu takutun kimawawasua intzalan ne shijshiwit se shikipil chiknawi tzunti ume pual ume (1942) wan se shikipil chiknawi tzunti ume pual nawi (1944) katka. Pewa ne ume takutun tik ne shiwit se shikipil chiknawi tzunti ume pual ume (1942) katka. Nemanha kimakat ne “Premio Nobel de Literatura,” pewa “Nemisis” katka.
Ume amachti kisa nemanha Camus mikik. Ne achtu itukey “La mort heureuse” wan kisa tik ne shiwit se shikipil chiknawi tzunti yey pual majtakti se (1971) katka. Ne ukse itukey “Le Premier homme” wan kisa tik ne shiwit se shikipil chiknawi tzunti nawi pual majtakti nawi (1994).
Ken Mikik?
editAlbert Camus mikik tik se tawikani tik se tunal nawi pal ne metzti se tik ne shiwit se shikipil chiknawi tzunti yey pual (1960). Nikpia ume pual chikwasen shiwit katka. Kiajsit ne tesu tamik amachti “Le premier Homme” tik ne tawikani katka.
Ipanpa uni:
edit- ↑ Filósofo
Ijilpika:
editAlbert Camus: https://es.wikipedia.org/wiki/Albert_Camus
Premio Nobel de Literatura: https://www.nobelprize.org/prizes/literature/1957/summary/
Biographia: Carroll, Sean B. (2013). Brave Genius: A Scientist, a Philosopher, and Their Daring Adventures from the French Resistance to the Nobel Prize. New York: Crown. ISBN 978-0-307-95234-9.
Biographia: Todd, Oliver (1997). Albert Camus: A Life. New York: Knopf. ISBN 9780307804761