Akulwaka, Paleka wan Texikal yey techanchin maya se iyulu
Se techan iwan se kalpuli Ciudad Delgado, yaja se itakutun tutalyu Kuskatan.
Ciudad Delgado kan witz ne ejekat naka Apukpan wan Tunakatepet, kan nemi ne wey puyek at naka Suyapanku wan Kuskatan, kan kisa ne tunal naka Tunakatepet wan Suyapanku, kan kalaki ne tunal naka Kuskatantzinku, Mejicanos, wan Ayutuchtepet.
Kipia ajapan, ne Cañas wan ne Acelhuate; nusan ne tepet Milingo wan Colis.
Katka nemit yey Techanchin: Akulwaka (kan nemituyat Akolwan), Paleka (tal iwan itajtachishka) wan Texikal (ichan tejtetchin) pero ne wey Tatuktiani Maximiliano Hernández Martínez kituktij ma musentalikan ne yey techanchin. Ne tejtechan kituketij "Villa Delgado" ipanpa ne wey Tajtzin wan ne palej José Matias Delgado. Ini panuk ne tunal 23 pal diciembre tik ne shiwit 1935. Tik ne tunal 17 pal ne metzti julio tik ne shiwit 1968 ishpan ne Asambleaj Legislativaj kitukeytij Ciudad Delgado. Ciudad Delgado kipia nawi techan: Las Victorias, Asunción Paleca, Santiago Aculhuaca wan San Sebastián Texical. Nusan kipia chikume kujtantechan: San Laureano Obispo, San José Cortez, Plan de Pino, Calle Real, Cabañas, Milingo wan San Juan Arenales. Ne techan iwan se kalpuli kipia se ilwit pal muchi Santoj. Se tunal Se pual pal ne Metzti se ne honor San Sebastián uni ne techan lilwiw mas yek wan mas wey. Ne lilwiw pejki ne ume tunal chik wasen Metzti Se wan tami ne tunal chikume nemanha ka ne se pual metzti Se. San Sebastián kipia ne historiantes Moros wan cristianos. Yejemet panut mijtutiat tik ne tiupan. Kwak ne Santoj yawi ka techan nemanha Tajtaketzat iwan tuteku Tiut.Tik ne ukse tanestuk ne Tajtaketzat senyawit nejnemet ka iuj ne techan. Ililwiw Santiago Apóstol Aculhuaca se pual makwil pal ne metzti chikume. Asunción Paleca Ililwiw kashtul pal ne metzti chikwey.