Pentakosita, tesaoyo ndato’o Pantekosita, (ungka basa Yunani, Pentēkostē [hēmera], au posokinya eo ka alima mpuyu), bara Minggu Mabuya ince’emo samba’a eo bangke nTo Kerisitu au mampaendoka mangkono pena’u Inosa Magali ri wa’a Suro ri Yerusale, au tepewali ri eo ka alima mpuyu ungka pembangu i Yesu Kerisitu. Ri eo Pentakosita, Inosa Magali mena’u malulu pojanji i Yesu roo kapemponeA ri Suruga. Malulu Sura Magali, wa’a anaguru i Yesu male’o mampakajea tatogo ncowu tau ri eo setu pai nce’imo uyu-uyu ndato’o katepewalinya gereja uyu-uyunya. Riu-riunya Pentakosita se’i ince’emo samba’a eo bangke wa’a to Yahudi au ndalulu Gereja ri tando Kasoyonya pai au ri tando Pebetenya.