Wp/pis/Pijin

Pijin hemi nambawan langwis blo Solomon Aelan.

Pijin hemi kolsap semsem olsem Tok Pisin (langwis blo Papua Niugini) en Bislama (langwis blo Vanuatu).

1800s lo stat blo 1900s

Lo' taem blo' 1800s, pipol hemi kasem wael en pipol hemi kolektim sandalwood en bestima lo Pasifik big solwata, stat fo toktok langwis evriwan minim. Bikos big man blo' Astrelia en Niuzilan tok Inglis nomoa, pipol blo' aelan hemi waka lo' disfala kandre stat fo tok lelebet Inglis. Bikos pipol blo' aelan garem staka difren kastom langwis, evriwan stat fo minim lelebet inglis fo save toktok weitim ol'ta.

Bitwin 1863 en 1906, staka pipol blo aelan kasem Kuinslan, Samoa, Fiji, en Niukaledonia fo waka lo planteson. Lo diswan 43 yia, kolsap 13,000 pipol blo Solomon Aelan kasem Kuinslan fo waka lo planteson. Pipol blo aelan hemi waka lo planteson stat fo toktok pijin weitim waitman boss blo ol'ta. Taem waka hemi finis, en Solo pipol lusim planteson, ol'ta bringim kam niu langwis lo Solomon Aelan.

1900s

Afta 1911 pipol blo aelan no save waka lo planteson lo Austrelia nomoa, but pijin langwis save gro bicos staka misonari blo ol'ta sos stat fo usim pijin fo toktok weitem pipol blo Melanesia. Lo disfala taem pijin blo Solomon stat fo lelebet difren olsem langwis pipol usim lo Papua Niugini en Vanuatu.

Distaem

Pijin hemi nambawan langwis blo Solomon Aelan distaem, but pipol usim pijin fo toktok nomoa. Solomon Aelan no garem sistem blo rul fo raitem pijin distaem. Tingting blo sumfala, hem bae gud supos gavman blo Solomon Aelan trae fo mekim rul fo pijin bae tru langwis blo kandre.