Istanbul hemi barava big taun blo Terki en nambafaiv big taun lo werld. Nambapipol stap lo dea hemi kolsap 12.8 million. Lo taem bifoa nem blo hem Byzantium, en afta Constantinople. Nem Istanbul hemi stat fo usim lo 1930. Istanbul stap lo kontinen blo Iurop en kontinen blo Esia. No garem narawan taun hemi stap lo tufala kontinen.
Lo taem bifoa, Istanbul hemi ples blo gavman blo Empaia blo Rom (330-395), Empaia blo Bizantin (395-1204), Empaia blo Latin (1204-1261), en Empaia blo Otoman (Empaia blo Terki) (1453-1922). Lo 1985, UNESCO putim ol pat blo Istanbul, weanoa staka ol bildin hem stap, go lo World Heritage List blo hem.