اخبار (Newspaper) ایہا جیہی چھپائی کی آکھیا جاݨا جیہنے وچ خبراں چھپنیاں ہن۔ اِس وچ سیاست، فن، رہتل، کھیل، سماج، تجارت وغیرہ شعبیاں نیاں خبراں شائع ہُونیاں ہن۔ اخبارات واسطے اہم ذریعہ آمدنی اس وچ چھپنے آلے اشتہارات ہوݨے۔ ایہہ اشتہارات پڑھن آلیاں اُپر مرکوز ہونے ہن۔ اس وچ اشیا تے خدمات نا تفصیلی تذکرہ ہوݨا ہے، صارفین توں کھلی یا در پردہ انھاں کی خریدنے یا انھاں کول فائدہ حاصل کرنے نی درخواست ہوݨی ہے۔ قارئین اکثر نوٰیں مصنوعات توں، اخبارات توں آشکارا ہوݨے ہین تے حسب ضرورت خریدی وی گھنے ہن۔