Steven 'Steve' Paul Jobs (* 24. Feebua 1955 en San Francisco, Kalifornien, † 15. Oktooba 2011 en Palo Alto, Kalifornien) we dee CEO en eena vonne Jrinda vonne US-amerikaunsche Computafirma Apple. Apple es daut enjlische Wot fe Aupel, doaweajen es daut Tetjen opp aula Apple-Produkte een aunjebetna Aupel. Jobs es eena vonne bekaundeste Perseenlichtjeite enne Computaindustrie.
Toop mett Steve Wozniak funk Steve Jobs aune 1976 dee Firma Apple aun. Jobs drog doatoo bie, daut Konzept von eenem Heimcomputa (PC) mett dem Modell Apple II oppe gaunze Welt bekaunt to moake. Steve Jobs we uck dee Jeschaftsfehra en Hauptaktienhoola vonne Pixar Animation Studios en es nu, no eene Fusioon, dee jratsta Eenzelaktienhoola vonne Walt Disney Company.